Шілде 2, 2026
Қазақстанда мерез жаңа клиникалық хаттама бойынша емделетін боладыҚазақстанда халықаралық стандарттарға сәйкес келетін мерезді диагностикалау, емдеу және оның алдын алу жөніндегі жаңартылған клиникалық хаттама бекітілді. Құжат пациенттерге медициналық көмек көрсетуді жетілдіруге, диагностика сапасын арттыруға, емдеу тәсілдерін стандарттауға, асқынулардың алдын алуға және туа біткен мерездің профилактикасына бағытталған.
толығырақ »Шілде 1, 2026
Таиланд медицина қызметкерлері алматылық әріптестерінің тәжірибесін зерттедіТаиланд елінен келген медицина қызметкерлері 29 маусым күні Алматы қаласы ЖИТС орталығына жұмыс бабымен келді. Олардың кәсіби қызығушылығы АИТВ-ға өзін-өзі тестілеуді енгізудің қазақстандық тәжірибесін және халықтың диагностикаға қолжетімділігін кеңейту үшін цифрлық сервистерді пайдалануды зерделеу болды.Алматылық мамандар әріптестерін hivtest.kz арнайы онлайн-платформасымен таныстырды, оның жұмыс механизмі мен енгізу нәтижелері туралы айтты. Сервис АИТВ-ға өзін-өзі тексеруден тегін, жасырын және құпия түрде өтуге, тесттің орындалуы бойынша егжей-тегжейлі нұсқаулықтар алуға, сондай-ақ қажет болған жағдайда медициналық мамандардан кеңес алуға мүмкіндік береді. Орталық қызметкерлерінің айтуынша, мұндай формат диагностиканың қолжетімділігін арттырады және АИТВ-инфекциясын ерте анықтауға ықпал етеді.Ресурс халықтың негізгі топтарын қоса алғанда, тестілеуді халық үшін барынша қарапайым, ыңғайлы және қауіпсіз ету мақсатында құрылды. Бұдан басқа, онлайн-платформа стигма мен кемсітушіліктің әсерін төмендетуге көмектеседі, халықтың АИТВ және оның алдын алу шаралары туралы хабардар болуын арттырады, сондай-ақ жыныстық жолмен берілетін инфекциялардың алдын алуға ықпал етеді.Пайдаланушылар тестілеуден үйде - кезексіз, алдын ала жазылусыз және медициналық мекемеге барусыз өту мүмкіндігін басты артықшылықтардың бірі ретінде атайды. Бұл әр түрлі себептермен медициналық көмекке жүгінуді кейінге қалдыратын адамдар үшін ерекше маңызды.Кездесу барысында Таиланд пен Қазақстанның мамандары АИТВ-инфекциясының алдын алудың заманауи тәсілдерін, тестілеуге бейімділікті арттыру мәселелерін, халықты ақпараттандырудың тиімді әдістерін және цифрлық медициналық сервистерді дамытуды талқылады. Практикалық тәжірибе алмасуға, инновациялық шешімдерді енгізуге және қоғамдық денсаулық сақтау саласындағы халықаралық ұсынымдарды пайдалануға ерекше назар аударылды.Алматы ЖИТС орталығының мамандары АИТВ-ны ерте анықтау антиретровирустық терапияны уақтылы бастауға, өмірдің жоғары сапасын сақтауға және инфекцияны одан әрі жұқтыру қаупін айтарлықтай төмендетуге мүмкіндік беретінін атап өтті. Сондықтан да тестілеуге қолжетімділікті кеңейту профилактикалық жұмыстың негізгі бағыттарының бірі болып қалады.
толығырақ »Шілде 1, 2026
Түркістанда қорғаныс істері департаментінің қызметкерлері өздерініңАИТВ-мәртебесін білдіТүркістан облысының қорғаныс істері департаментінің қызметкерлеріАИТВ-ның алдын алу бойынша тренингке қатысып, өздерінің АИТВ-мәртебесін білді. Тренингті облыстық ЖИТС-тың алдын алу және оған қарсы күрес орталығының мамандары ұйымдастырды. Іс-шарақызметкерлердің денсаулығын нығайтуға және олардың әлеуметтікмаңызы бар аурулардың алдын алу мәселелері бойынша хабардарболу деңгейін арттыруға бағытталған.
толығырақ »Шілде 1, 2026
Кәсібилікті тану: облыс әкімінің сыйлығы Қарағанды облысында медицина қызметкерлері арасындағы жыл сайынғыбайқау қорытындыланды Қарағанды облысында медицина қызметкерлеріарасындағы жыл сайынғы байқау қорытындыланды. Оның нәтижесібойынша аймақ басшысы Ермағанбет Бөлекпаев денсаулық сақтаусаласының үздік мамандарын сыйлықтармен марапаттады.
толығырақ »Маусым 30, 2026
Фототерапиядан жасуша трансплантациясына дейін: Қазақстанда витилигоны емдеу қалай өзгеруде25-27 маусым аралығында Ақтөбе қаласында ҚР Денсаулық сақтау министрлігінің «Қазақ дерматология және инфекциялық аурулар ғылыми орталығы» (ҚДИАҒО) Марат Оспанов атындағы Батыс Қазақстан мемлекеттік медицина университетімен және «Дерматовенеролог, дерматокосметолог мен лепрологтар қоғамы» қоғамдық бірлестігімен бірлесіп, «Дерматовенеролог, дерматокосметолог және лепрологтардың 20 өңірі» атты XIX Республикалық білім беру ғылыми-тәжірибелік конференциясын өткізді.
толығырақ »
