Желтоқсан 1, 2025
ШҚО: ШҚУ студенттеріне АИТВ алдын алу жөнінде дәріс оқылдыДүниежүзілік ЖИТС-пен күрес күні қарсаңында С. Аманжолов атындағы Шығыс Қазақстан университетінде АИТВ инфекциясының алдын алу тақырыбына арналған кең көлемді ақпараттық дәріс ұйымдастырылды. Іс-шараны ШҚО ЖИТС орталығы өткізді. Дәріске университеттің үлкен аудиториясына жиналған жүзге жуық студент қатысты.
Мамандар жастарға АИТВ туралы толық мәлімет беретін презентациялар мен бейнероликтер көрсетіп, вирус жұғу жолдары, сақтану тәсілдері және қоғамда жиі кездесетін қате пікірлер жайлы жан-жақты түсіндірді. Сондай-ақ АИТВ инфекциясының алдын алудағы ақпараттық сауаттылықтың маңызы атап өтілді.
Дәріс барысында студенттер мамандарға өздерін қызықтырған сұрақтарды қойып, маңызды ақпарат алуға мүмкіндік алды. Ашық форматта өткен әңгіме жастардың тақырыпқа деген қызығушылығын арттырып, денсаулыққа жауапкершілікпен қарау мәдениетін қалыптастыруға ықпал етті.
Ұйымдастырушылардың айтуынша, мұндай кездесулер өңірдің оқу орындарында жүйелі түрде өткізіліп отырады. Негізгі мақсат — жастар арасында дұрыс ақпарат тарату, АИТВ туралы түсінікті кеңейту және оның алдын алуға бағытталған нақты қадамдарды насихаттау.
Іс-шара жылы атмосферада өтіп, студенттер үшін пайдалы әрі мәнді кездесуге айналды.
толығырақ »Желтоқсан 1, 2025
АИТВ дәрігерлер мен педагогтердің назарындаКөкшетауда Дүниежүзілік ЖИТС-пен күрес күніне орайластырылған педагогтармен дәстүрлі іс-шара өтті.
2025 жылғы 28 қарашада онлайн-форматта білім беру жүйесінде АИТВ-инфекциясының алдын алудың өзекті мәселелері бойынша кеңес өтті.
Оған облыс колледждері мен Көкшетау қаласы мектептері директорларының тәрбие жұмысы жөніндегі орынбасарлары, әдістемелік бірлестіктердің басшылары және өңірдің білім бөлімдерінің әдіскерлері қатысты.
Кездесуді ашқан Ақмола облыстық АИТВ-инфекциясының алдын алу орталығының маманы- Нурлыбек Конуспаев, денсаулық сақтау және білім беру жүйелері балалар мен жасөспірімдер арасында қауіпсіз және жауапты мінез-құлық мәдениетін қалыптастыруда маңызды рөл атқаратынын атап өтті.
Айта кету керек, семинар-кеңес бірнеше мазмұнды бөлімдерден тұрды. Сессияның ақпараттық-ағартушылық бөлігі қатысушыларға АИТВ инфекциясына қатысты негізгі ұғымдарды және алдын алудың заманауи тәсілдерін еске салды.
Ақмола облысында эпидемиологиялық жағдай жеке ұсынылды.
Сонымен қатар, алдын алу жұмысында дәрігерлер мен педагогтердің бірлескен әрекеттерін жандандыру бойынша тәжірибелік ұсыныстар берілді.
Іс-шара сұрақ-жауап сессиясымен және қатысушылардың ұсыныстарын талқылаумен аяқталды. Нәтижесінде жастар арасындағы алдын алу жұмыстарының сапасын жақсартуға және білім беру мен денсаулық сақтау салалары арасындағы ынтымақтастықты нығайтуға бағытталған бірлескен шешімдер әзірленді.
толығырақ »Қараша 27, 2025
АИТВ - ның алдын алу-сіздің АИТВ-статусыңызды білу маңызды! 2025 жылғы 27 қарашада Дүниежүзілік ЖИТС - ке қарсы күрес науқаны аясында «АИТВ-ға қарсы күрестегі қиындықтардан - тиімді өзгерістерге» ұранымен Астана қаласы әкімдігінің АИТВ-инфекциясының алдын алу орталығының мамандары «Астаналық» сауда орталығының қызметкерлері мен келушілері үшін АИТВ-ға жедел тестілеу бойынша ауқымды акция өткізді.
толығырақ »Қараша 27, 2025
Ақтөбе жастары АИТВ туралы білімдерін интеллектуалды квизде тексердіАқтөбе облыстық АИТВ-инфекциясының алдын алу орталығы "Qoldau event" жеке қорымен бірлесіп облыс жастары үшін квиз зияткерлік ойынын өткізді. Іс-шара 1 желтоқсанда атап өтілетін Дүниежүзілік ЖИТС-пен күрес күніне орайластырылған.
Іс - шараның негізгі міндеті-АИТВ-инфекциясының таралу проблемасына жастардың назарын аудару, АИТВ-инфекциясының алдын алудың негізгі шаралары, инфекцияны уақтылы диагностикалау әдістері туралы дұрыс және толық ақпаратты әрқайсысына жеткізу, сондай-ақ жас ұрпақтың өз денсаулығына саналы және жауапты көзқарасын қалыптастыру.
6 командадан тұратын ойынға қатысушылар 5 раундтан өтуі керек еді, олардың әрқайсысында АИТВ-ның алдын алу туралы, қорғау шаралары туралы, АИТВ-мен өмір сүретін адамдарға қатысты стигма мен кемсітушілікке жол бермеу туралы сұрақтарға жауап беру қажет болды. Ойын көрсеткендей, студенттер қорғаныс шаралары мен АИТВ-инфекциясының берілу жолдары туралы жақсы біледі. АИТВ-инфекциясының алдын алу бойынша барлық сұрақтар - 30 болды.
- "Мен үшін бұл квиз өз білімімді тексеріп қана қоймай, көптеген жаңа нәрселерді білуге тамаша мүмкіндік болды. Ойын форматы АИТВ тақырыбын біз жастар үшін түсінікті және қолжетімді етеді. Менің ойымша, мұндай іс - шараларды жиі өткізу керек", - деді ойынға қатысушы Айым Сәбит.
Ойын қорытындысы бойынша барлық қатысушы-командаларға грамоталар мен жұбаныш сыйлықтары, ал 1,2 және 3 орын алған жеңімпаз командаларға ақшалай сыйлықтар табыс етілді.
Ойынға Қ. Жұбанов ат.Ақтөбе өңірлік университетінің, Бопай Ханым жоғары медициналық колледжі, "Болашақ" жоғары медициналық колледжі, М. Оспанов ат. Батыс Қазақстан мемлекеттік медицина университеті студенттері қатысты.
Квиз "Aqtobe it Hub" коворкинг орталығында өтті. Ойын барысында коворкинг орталығының барлық көрермендері мен келушілері АИТВ - ға жедел тестілеуден өтіп, "АИТВ-ға тексеріліңіз - байқамай қалуыңыз мүмкін" ақпараттық брошюраларын ала алды
толығырақ »Қараша 27, 2025
Абай облысында жастар ВИЧеринкасыАбай облысында «АИТВ-ға қарсы күрестегі қиындықтардан – тиімді өзгерістерге» ұранымен Дүниежүзілік ЖИТС-пен күрес күніне арналған іс-шаралар жалғасуда.
Әлихан Бөкейхановатындағы университеттің басшылығының қолдауымен АИТВ-ның алдын алу жөніндегі облыстық орталығы "ВИЧеринка" атты жастардың интерактивті іс-шарасын өткізді. Бұл шара науқанның басты оқиғаларының бірі болды.
Іс-шараның спикерлері: облыстық АИТВ инфекциясының алдын алу орталығының дәрігері Диляра Тукеева, "СоцKZ" ҮЕҰ өкілі Адиль Кадыргалиев және АИТВ-мен өмір сүретін адам болды.
Көпшілікке танымал тұлға ретінде Адиль Кыдыргалиев қоғам әр дайым шынайылыққа дайын болмаған кезде ашықтық тысақтауға не көмектесетінің және ол үшін қолдау көрсетуші болу нені білдіретінің айтты.
АИТВ-мен өмір сүретін адам өзінің өмірлік тарихы мен бөлісті: ол өз мәртебесін қалай қабылдағаны, АРВ препараттарымен емделуге дегенынтасы, жастарды АИТВ инфекциясын жұқтыру дансақтандыру бойынша белсенді өмірлік ұстанымы туралы айтты.
Диляра Тукеева АИТВ-мен өмір сүретін адамдарға қатысты стигманы азайтуда білім мен ашықтық маңызды рөлат қаратынын түсіндірді. Қоғам АИТВ-ның қалай берілетінін және заманауи емдеу адамдарға толыққанды өмір сүруге мүмкіндік беретінін және басқаларға қауіптөндірмейтінін түсінгенде, қорқыныш пен теріспікіржойылады.
Студенттертікелей диалог форматында АИТВ алдын алудыңең маңызды мәселелерін талқылап, кеңтаралған мифтер мен стереотиптерді жойып, сондай-ақ АИТВ-мен өмір сүретін адамдарды тұрақты тестілеу мен қолдаудың маңыздылығын атап өтті.
Іс-шара барысында АИТВ туралы фактілерді білуге арналған Kahoot ойыны форматын датанымдық викторина өткізілді. Ең белсенді қатысушылар іс-шара ұйымдастырушыларының сыйлықтарымен марапатталды.
Студенттер белсенділіктанытты, шара соңында барлық ниет білдірушілер АИТВ-ға экспресс тестілеуден өтті.
толығырақ »Қараша 27, 2025
Атыраулық студенттер ВИЧеринкада АИТВ тақырыбында мифтерді талқылады10 қарашадан 10 желтоқсанға дейін елімізде «АИТВ-ға қарсы күрестегі қиындықтардан – тиімді өзгерістерге» республикалық ақпараттық науқан өтуде. Осы нaуқан аясында Атырау облыстық АИТВ инфекциясының алдын алу орталығының мамандары Х. Досмұхамедов атындағы университеттің жатақханасында студенттермен ерекше форматтағы кездесу — ВИЧеринка ұйымдастырды. Шараның мақсаты – жастарды АИТВ туралы ашық ақпараттандыру, мифтерді жоққа шығару және өз денсаулығына жауапкершілікпен қарауға шақыру. Кездесу бейресми форматта өтті: студенттер еркін сұрақ қойып, мамандардан шынайы әрі нақты жауап алды. Шара барысында: • викториналар, белсенді ойындар; • мамандардың кеңестері; • АИТВ туралы ең жиі қойылатын сұрақтар; • «Маса арқылы ЖИТС жұға ма?» секілді мифтерді талдау болды. Мамандар АИТВ-ның таралу жолдары, қорғану тәсілдері, ерте тестілеудің маңызы туралы түсіндірді. Студенттерді қызықтырған ең маңызды тақырып — тегін және құпия түрде тест тапсыру мүмкіндігі. Шара барысында бірнеше қатысушы жылдам тест өтіп, мамандардан жеке кеңес алды. ВИЧеринка жастардың назарын маңызды мәселеге жеңіл форматта аударуға мүмкіндік берді. Ашық диалог, еркін орта және интерактив формат студенттердің тақырыпты жақсы түсінуіне көмектесті.
толығырақ »
