Желтоқсан 8, 2025
"Қазына" саудаойын-сауықорталығындағы акцияАбай облысында, Дүниежүзілік ЖИТС-ке қарсы күрес күніне арналған науқан аясында, қаланың ең ірі сауда ойын-сауық орталықтарының бірі "Қазынада" халықтың АИТВ инфекциясы туралы хабардарлығын арттыруға бағытталған ақпараттық-ағартушылық акция өтті. Іс-шараның ұйымдастырушысы Абай облыстық АИТВ-инфекциясының алдын алу орталығының мамандары және сауда ойын-сауық орталығының әкімшілігі болды.
толығырақ »Желтоқсан 8, 2025
Мектеп спорты – денсаулық кепілі және АИТВ-ның алдын алу негізі2025 жылғы 5 желтоқсанда Талғар ауданы Еркін ауылындағы №26 орта мектепте 10–11 сынып оқушылары арасында волейболдан аудандық жарыс өтті. Бұл шара жасөспірімдерді спорттық бәсеке рухында біріктіріп қана қоймай, бұқаралық спортты дамыту, денсаулықты нығайту және жастардың салауатты өмір салтына деген тұрақты қызығушылығын қалыптастыруға бағытталған ауқымды жұмыстың бір бөлігіне айналды.
толығырақ »Желтоқсан 8, 2025
Дүниежүзілік ЖИТС-пен күрес күніне арналған конференция2025 жылғы 3 желтоқсанда Астана Медицина университетінде 1 желтоқсан-Дүниежүзілік ЖИТС-пен күрес күніне арналған ғылыми-білім беру конференциясы өтті. Іс-шара «Адамның иммун тапшылығы вирусы: иммундық жүйенің зақымдану жолдары және иммунологиялық аспектілері» тақырыбында өтті.
Конференцияда АИТВинфекциясының алдын алу орталығының эпидемиологиялық бөлімінің меңгерушісі Бақыт Құлтанова баяндама жасады. Ол эпидемиологиялық жағдайдың маңызды аспектілерін, АИТВ-ның таралу тенденцияларын, сондай-ақ алдын алудың заманауи тәсілдерін атап өтті.
Конференция студенттерді, оқытушыларды және медицина мамандарын АИТВ-инфекциясына қатысты өзекті мәселелерді: иммундық жүйенің зақымдану механизмдерін, вирустың иммунологиялық ерекшеліктерін, оппортунистік аурулардың дамуын, алдын алудың заманауи әдістерін талқылау үшін біріктірді.
Сондай-ақ студенттік бейнематериалдар ұсынылды, интерактивті викторина, сұрақ-жауап сессиясы өткізілді және барлық постер-презентациялармен және үздік ғылыми постер үшін онлайн-дауыс берумен аяқталды.
«АИТВ - бұл үкім емес, ақпарат пен профилактика өте маңызды», - деп атап өтті конференцияны ұйымдастырушылар. Олардың пікірінше, мұндай іс-шаралар денсаулыққа жауапкершілікпен қарауды қалыптастыруға, мифтерді жоққа шығаруға және әлі де АИТВ-мен өмір сүретін адамдардың айналасында бар стигманы азайтуға көмектеседі.
толығырақ »Желтоқсан 5, 2025
Денсаулық жолындағы спорт пен білімЖамбыл ауданында жастар арасында салауатты өмір салтын насихаттауға және АИТВ инфекциясының алдын алуға бағытталған бірқатар іс-шаралар ұйымдастырылды. Бір бастама аясында колледж студенттері арасында спорттық жарыстар мен мектеп оқушыларына арналған ақпараттық-түсіндіру семинары өткізілді.
Ұзынағаш ауылында Жамбыл ауданына қарасты колледж студенттері арасында волейболдан жарыс өтті. Турнирге ұлдар мен қыздар командалары қатысып, өздерінің жоғары спорттық дайындығы мен командалық рухтарын көрсетті.
Жарыс қорытындысы бойынша ұлдар арасында Ұзынағаш медициналық колледжінің командасы жеңіске жетсе, қыздар арасында Ж. Жабаев атындағы кәсіптік колледждің командасы І орынды иеленді.
Аталған шараға Ұзынағаш медициналық колледжінің директордың тәрбие ісі жөніндегі орынбасары А. Оңлыбекқызы қатысты. Жалпы спорттық іс-шара 100 студентті қамтыды, оның ішінде тікелей ойынға 28 қатысушы қатысты.
Сол күні Жамбыл ауданында 8–11 сынып оқушылары арасында АИТВ инфекциясының алдын алу мәселелері бойынша ақпараттық-түсіндіру семинары өткізілді. Семинар Жамбыл орта мектебінің базасында екі кезеңмен ұйымдастырылды. Жалпы қамтылған оқушылар саны — 245.
Кездесу барысында мамандар жасөспірімдерге АИТВ-ның жұғу жолдары, алдын алу шаралары, өз денсаулығына жауапкершілікпен қараудың маңыздылығы туралы кеңінен айтып, инфекцияға қатысты кең таралған қате түсініктерді түсіндіріп өтті. Ашық пікір алмасу форматында өткен семинарда оқушылар көкейлеріндегі сұрақтарын қойып, нақты әрі кәсіби жауаптар алды.
Өткізілген бұл шаралар Жамбыл ауданының жастарында денсаулыққа саналы көзқарас қалыптастыруға, АИТВ инфекциясының алдын алуға және салауатты өмір салтын насихаттауға зор үлес қосады.
толығырақ »Желтоқсан 5, 2025
1 желтоқсан – Ақтөбе хабардарлық пен денсаулық күнін таңдады1 желтоқсанда медицина қызметкерлері мен еріктілер Ақтөбе қаласының "Keruen City" сауда-ойын-сауық орталығының келушілері мен қызметкерлеріне: "Бүгін қандай күн?"Бір қарағанда қарапайым сұрақ қиын тақырыпта әңгіме бастауға көмектесті:" АИТВ-инфекциясы туралы не білесіз? АИТВ-ға тесттен қашан өттіңіз?"- адамдарды жедел тестілеуден өтуге ынталандыру.
толығырақ »Желтоқсан 4, 2025
ЖИТС-пен күресудің дүниежүзілік күні аясындағы жастармен диалогЖИТС-пен күресудің дүниежүзілік күніне арналған ақпараттық науқан шеңберінде «Аманат» партиясы жанындағы «Жастар Рухы» жастар орталығымен бірлесе отырып, жастардың АИТВ инфекциясы туралы білім деңгейін арттыруға, алдын алу тәсілдерін түсіндіруге және жауапкершілікті көзқарас қалыптастыруға бағытталған ақпараттық–ағартушылық кездесу өтті.
толығырақ »Желтоқсан 4, 2025
Түркістанда Ашық есік күні өтті Жыл сайын 1 желтоқсанда атап өтілетін Дүниежүзілік ЖИТС-пен күрес күніне орай Түркістан облысының АИТВ орталығының мамандары Ашық есік күнін ұйымдастырды. Іс-шарада қала тұрғындары мен қонақтары күні бойы АИТВ-инфекциясы туралы өзекті ақпарат алды, мамандарға сұрақтар қоюға мүмкіндік алды және тегін тестілеуден өтті.
толығырақ » 
