Қараша 24, 2025
Ақтауда жастар арасында пара армрестлингтен ашық турнир өттіАқтауда жастар мен жасөспірімдер арасында пара армрестлингтен ашық турнир өтті. Спорттық шара 1 желтоқсан - дүниежүзілік ЖИТС-ке қарсы күрес күніне орай ұйымдастырылды. Ақтау қалалық дене шынықтыру және спорт бөлімінің қолдауымен өткен жарысқа 40-қа жуық спортшы қатысты.
Спорттық жарысқа қатысқандардың бірі - Ақбөбек Ескендір. 15 жасар спортшы қол күресімен 2 жылдан бері айналысып келеді. Бүгінгі додаға тыңғылықты дайындалғанының нәтижесінде 1-орын иеленді.
Бұл спортқа келуіме әкем себепкер болды. Барып, қатысып көр деп айтқан. Қызығушылықпен келмеген соң жоғары жетістікке жетемін деп ойламадым. Жарыстарға шыққаннан бастап спортқа деген қызығушылығым ашылды. Сол кезден бастам мінезім өзгерді. Ашылып сөйлейтін болдым. Енді алға қойған мақсатым - келесі әлем чемпионатында бірінші орын алу, - дейді спортшы Ақбөбек Ескендір.
Жарысқа 40-қа жуық спортшы қатысты. Бәрі тартысты ойын көрсетіп, белсенділік танытты. Осылайша, олар спорттық шеберліктерін көрсете отырып, қоғамдағы маңызды әлеуметтік мәселелер жөнінде ақпарат алды. Маңғыстау облыстық АИТВ-инфекциясының алдын алу орталығының мамандары бұл шара жастарға қолдау көрсетуге, әрі вирустың алдын алуға бағытталғанын атап өтті.
Балаларымызға жақсы көңіл күй сыйладық деп ойлаймын. Дендері сау болып, жетістікке жетіп, чемпион болуларына тілектеспіз. Қазір өңірімізде 10 қарашадан 10 желтоқсан аралығында ауқымды науқан өтіп жатыр. Облыс аумағында АИТВ инфекциясының алдын алу мақсатында түрлі іс-шара өткізудеміз, - дейді Маңғыстау облыстық АИТВ-инфекциясын алдын алу орталығының бөлім меңгерушісі Зарина Беркалиева.
Турнир жеңімпаздарына арнайы дипломдар және естелік сыйлықтар табысталды. Ұйымдаструшылар алдағы уақытта осындай жобаларды жалғастыруды жоспарлап отыр.
толығырақ »Қараша 24, 2025
«Пана» әлеуметтік бейімдеу орталығындағы акцияларАлматы қалалық ЖИТС-тің алдын алу және оған қарсы күрес орталығының қызметкерлері 21 қараша күні «Пана» әлеуметтік бейімдеу орталығында «Тексеріл! Біл! Өмір сүр!» атты екі ақпараттық-сауаттандыру акциясын өткізді.
Медициналық мамандар қатысушыларға АИТВ инфекциясының жұғу жолдары, алдын алу шаралары және заманауи профилактикалық тәсілдер туралы айтып берді.
250-ден астам адам мамандардан нақты әрі сенімді ақпарат алып, өздерін қызықтырған сұрақтарын қойып, кәсіби жауап алды.
Сонымен қатар, дәрігерлер АИТВ-ға уақтылы тест тапсырудың маңыздылығын еске салды.
Акция барысында АИТВ инфекциясына қатысты стигманы азайту мәселесіне ерекше көңіл бөлінді. Дәрігерлер қазіргі антиретровирустық терапияның арқасында АИТВ-мен өмір сүретін адамдар толыққанды, белсенді әрі ұзақ өмір сүре алатынын атап өтті. Уақытында анықталған инфекция тиімді емдеуге және жаңа жағдайлардың алдын алуға мүмкіндік береді.
Шара аясында қалағандардың барлығы 20 минут ішінде нәтижесі дайын болатын экспресс-тестіден өтті.
Акция Дүниежүзілік ЖИТС-пен күрес күніне арналған ақпараттық кампания шеңберінде, ЮНЭЙДС-тің «Қиындықтардан — АИТВ-ға қарсы әрекеттегі өзгерістерге» ұранымен өткізілді. Науқан 10 желтоқсанға дейін жалғасады.
толығырақ »Қараша 24, 2025
Халықтың негізгі топтарымен жұмыс: Талғар психикалық денсаулық орталығындағы АИТВ-ның алдын алуыЖИТС-пен күрес күніне орай Алматы облысының Талғар қаласындағы психикалық денсаулық орталығында «АИТВ-ға қарсы күрестегі қиындықтардан – тиімді өзгерістерге» атты ақпараттық-түсіндіру Кампаниясы өтті. Іс-шараға Алматы облыстық ЖИТС орталығының эпидемиолог маманы Т. Мырзагулова, сондай-ақ «Доверие плюс» үкіметтік емес ұйымның әлеуметтік қызметкерлері — К. Духанин, Н. Камарова және С. Кабжалелов қатысты.
Іс-шараның мақсаты — психикалық денсаулық орталығында стационарлық ем қабылдап жатқан, халықтың негізгі топтарына жататын тұлғаларды АИТВ туралы дұрыс әрі дәл ақпаратпен қамтамасыз ету болды. Қатысушыларға АИТВ-ның жұғу жолдары, алдын алу шаралары түсіндіріліп, стигма мен қорқынышты азайтуға қатысты мәселелер талқыланды. Ашық әңгіме, түсіндіру жұмыстары мен практикалық кеңестер қатысушыларға қолжетімді әрі түсінікті түрде жеткізілді.
«Доверие плюс» үкіметтік емес ұйымның әлеуметтік қызметкерлері, өздері де АИТВ-мен өмір сүретін адамдар ретінде, ашық жүзбен сөз сөйлеп, жеке тәжірибелерімен бөлісіп, іс-шараға маңызды үлес қосты. Олардың әңгімелері қатысушыларға АИТВ диагнозымен өмірге жаңаша көзқараспен қарауға, стигманың салдарын түсінуге және қоғам қолдауы мен медициналық көмектің қолжетімділігінің маңызын сезінуге мүмкіндік берді.
Мұндай ақпараттық кездесулер халықтың негізгі топтарымен жұмыс жүргізу барысында АИТВ туралы қате түсініктерді азайтуға, қоғамда қолдау мен толеранттылықты қалыптастыруға бағытталған маңызды қадам болып табылады.
толығырақ »Қараша 24, 2025
Елордалық «Нұрлы жол» вокзалы «АИТВ-ға қарсы күрестегі қиындықтардан - тиімді өзгерістерге» кампаниясына қолдау білдірдіДүниежүзілік ЖИТС-пен күрес күніне арналған науқан аясында 2024 жылғы 21 қарашада «Нұрлы жол» теміржол вокзалында қалалық АИТВ-жұқпасы орталығының мамандары Астана тұрғындары мен қонақтары үшін «АИТВ-ға қарсы күрестегі қиындықтардан - тиімді өзгерістерге» атты ауқымды акция өткізді.
Жыл сайын 1 желтоқсанда бүкіл әлемде ЖИТС-пен күрес күні атап өтіледі. Іс-шараны ұйымдастырушылардың айтуынша, бұл күн қоғамның АИТВ-ның таралуына қарсы тұру мүмкіндіктерін нығайтуға бағытталған іс-қимылдарға шақыру ретінде қызмет етеді. АИТВ орталығының мамандары халықтың заманауи емдеу әдістері туралы хабардарлығын арттырудың маңыздылығын, олардың АИТВ-мәртебесін білудің маңыздылығын және уақтылы тестілеуді атап өтті.
«Стигма мен қорқыныш әлі де адамдарға тестілеуге жүгінуге кедергі келтіреді. Біздің міндетіміз - өз АИТВ статусын білу оңай, қауіпсіз және әркім үшін маңызды екенін көрсету. Өзінің ВИЧ-статусын білу адамға профилактикалық шараларды әрі қарай сақтауға, ал нәтижесі оң болған жағдайда ерте және тиімді емді бастауға мүмкіндік береді», - деп атап өтті эпидемиолог дәрігер Айгүл Идрисова.
Акция аясында барлық ниет білдірушілер АИТВ-ға жедел тестілеуден тегін және жасырын өтіп, қысқа мерзімде нәтиже ала алады, сондай-ақ АИТВ-инфекциясына байланысты мәселелер бойынша мамандардан кеңес ала алады. Тестілеуге қатысқан жолаушылардың бірі өз әсерлерімен бөлісті: «Мен іссапарға жиі барамын және әдетте мұндай тексерістер туралы ойламаймын. Бірақ мен дәл қазір, бір сәтте тест тапсыруға болатынын көргенде, мен осы мүмкіндікті пайдалануды шештім. Бұл бірнеше минутты алды, ал денсаулыққа деген сенімге - баға жетпес», - деді ер адам.
толығырақ »Қараша 21, 2025
Алматы жастары АИТВ туралы көбірек білудеЮНЭЙДС-тің «АИТВ-ге қарсы әрекетте: қиындықтардан — өзгерістерге» ұранымен Дүниежүзілік ЖИТС-пен күрес күніне арналған ақпараттық науқан аясында Алматы қаласының ЖИТС орталығының мамандары жастармен белсенді кездесулер өткізуде.
20 қараша күні «Денсаулық кілті» жастар денсаулық орталығында акция ұйымдастырылды. Іс-шараға 60-тан астам жас жігіт пен қыз қатысты.
Медициналық қызметкерлер АИТВ-нің жұғу жолдары мен қорғану шаралары туралы ақпарат берді. Талқылау барысында денсаулыққа қатысты түрлі тақырыптар қозғалды: салауатты өмір салтының артықшылықтары және жеке жауапкершілікті арттыру маңыздылығы.
АИТВ-ға тестілеу тақырыбы ерекше қызығушылық тудырды. Дәрігерлер АИТВ-ға тестті тіркелген емханаңызда немесе ЖИТС орталығында тегін әрі құпия түрде тапсыруға болатынын айтты. Қалағандар экспресс-тестілеуден өтіп, кеңес алып, өз АИТВ-статусын білді.
Қатысушыларға әсіресе қауіп төндіретін жағдайлар болғанда немесе өз денсаулығына сенімді болғысы келгенде, үнемі тексеріліп тұру қажеттілігі ескертілді. Мамандар ерте диагностиканың маңыздылығын атап өтіп, ол дер кезінде қажетті көмекті алып, өмір сапасын жоғары деңгейде ұстауға мүмкіндік беретінін түсіндірді. Сонымен қатар дәрігерлер АИТВ-инфекциясын емдеудің заманауи тәсілдері туралы айтып, антиретровирустық терапияның арқасында АИТВ-мен өмір сүретін адамдар толыққанды және белсенді өмір сүре алатынын атап өтті.
Жастар үшін АИТВ туралы мифтерді жоққа шығаруға бағытталған интерактивті викториналар мен шағын тренингтер өткізілді. Мұндай форматтар ақпаратты жақсырақ меңгеруге және өзекті сұрақтарды ашық талқылауға мүмкіндік береді.
Іс-шара соңында қатысушыларға ақпараттық кітапшалар таратылды.
толығырақ »Қараша 21, 2025
Сенім көпірі 2025 жылғы 18 қарашада Алматы қаласындағы ЮНЕСКО-ның өңірлік офисінде Дүниежүзілік ЖИТС-пен күрес күніне арналған «Сенім көпірі: Алматы ↔ Астана» атты аралас форматтағы жастар шарасы өтті. Іс-шараның мақсаты – Алматы мен Астана қалаларының жастар қауымдастықтарын офлайн және онлайн қатысуды біріктірген динамикалық интерактивті телемост арқылы байланыстыру. Дискуссия достық, сенім, эмоционалдық әл-ауқат, стигманы азайту және ВИЧ-инфекцияның алдын алу мәселелеріне арналды. Талқылау жастарға түсінікті әрі мәдени тұрғыдан бейімделген форматта жүргізілді. Астана қаласынан Назарбаев Университетінің студент жастары қатысты.
толығырақ »Қараша 20, 2025
Петропавл жастарына арналған АИТВ туралы интерактивті бағдарламаПетропавл қалалық мәдениет үйінде Дүниежүзілік ЖИТС-ке қарсы күрес науқанына арналған интерактивті-концерттік бағдарлама өтті. Оның 2025 жылғы тақырыбы — «АИТВ-ға қарсы күрестегі қиындықтардан – тиімді өзгерістерге».
Іс-шараны СҚО АИТВ профилактикасы жөніндегі облыстық орталығы СҚО әкімдігінің білім беру басқармасының, «Феникс» ЗТБ, «Answer» ҚҚ филиалының және Петропавл жастар ресурстық орталығының қолдауымен ұйымдастырды. Қалалық колледждердің студенттері қатысты.
Қатысушылардың алдында АИТВ-инфекциясының профилактикасы жөніндегі облыстық орталық директорының м.а. Мамадияр Байғұлов құттықтау сөз сөйледі. АИТВ орталығының емдеу-алдын алу жұмысы және диспансерлеу бөлімінің меңгерушісі Қарлығаш Акинованың айтуынша, 2025 жылғы науқан тақырыбы мағыналы және шешуші әрекеттерге бағытталған жаһандық үрдісті көрсетеді: «2025 жылғы тақырып әсіресе символикалық: «АИТВ-ға қарсы күрестегі қиындықтардан – тиімді өзгерістерге». Әлемдік қоғамдастық 2030 жылға қарай ЖИТС-ты жоюдың маңызды мақсатына қарай ілгерілеуді жалғастыруда. Осы мақсатқа жақындау үшін бүгін көп нәрсе істеу қажет. Біздің іс-шарамыздың басты мақсаты – АИТВ және ЖИТС туралы, оның алдын алу және әлеуметтік жауапкершілік тәсілдері туралы хабардарлықты арттыру, сондай-ақ жастарды жаһандық бастамаларға қатысуға шабыттандыру. АИТВ – бұл жай диагноз емес. Бұл – бүкіл қоғам үшін сынақ, оның жетілгендігін, саналылығын және мейірімділігін тексеру».
Интерактивті концерттік бағдарламаның жүргізушілері, АИТВ орталығының мамандары Руслан Адиятов пен Оксана Симухина оқушыларды байқауға белсенді түрде қатыстырды.
Командалар викторинаға қатысып, «Бір минутта ұран» байқауында ЖИТС-ке қарсы науқанға жарқын және ынталандырушы ұрандар ойлап тапты, «Эмоциялар шағын театры» байқауында денсаулық тақырыбында сөзсіз сахналық миниатюралар көрсетті, сондай-ақ «Аббревиатураны шеш» байқауында АИТВ, ЖИТС және СӨС аббревиатураларының өзіндік оң түсіндірмелерін ұсынды. Іс-шараның шығармашылық атмосферасы өнер колледжі студенттерінің қойылымдарымен толықтырылды.
Іс-шара соңында қатысушылар ұйымдастырушылардан кәдесыйлар алды.
Интерактивті-концерттік бағдарлама студенттерге АИТВ-ның алдын алу тақырыбына жаңаша қарауға, шығармашылық әлеуетін ашуға және дені сау және ақпараттандырылған ұрпақты қалыптастыруға әрбір адамның қосқан жеке үлесінің маңыздылығы туралы ойлануға мүмкіндік берді.
толығырақ »Қараша 20, 2025
Қабылдау, қолдау және денсаулық сақтауПавлодар облысының жастар бастамаларын дамыту орталығында аудиториямен және қонақтармен жанды диалог форматында «Денсаулық сақтауды қабылдау, қолдау және мәдениет: қорқынышсыз өмір» тақырыбында кең ауқымды «ВИЧеринка» іс-шарасы өтті.
толығырақ »Қараша 20, 2025
Алматы облысында АИТВ алдын алу бойынша білім беру жүйесіне интеграциялау мәселелері талқыланды19 қараша 2025 жылы Ұйғыр ауданының білім бөлімі мен Алматы облыстық ЖИТС-ның алдын алу және оған қарсы күрес орталығының келісімімен «АИТВ-ға қарсы күрестегі қиындықтардан – тиімді өзгерістерге!» атты республикалық науқан аясында дөңгелек үстел өткізілді. Шараның негізгі мақсаты – АИТВ инфекциясының алдын алу мәселелерін білім беру жүйесіне тиімді интеграциялау, сонымен қатар мамандардың ақпараттық құзыреттілігін арттыру.
Дөңгелек үстел жұмысына 95 адам қатысты. Оның ішінде мектеп директорлары, тәрбие ісі жөніндегі орынбасарлар, биология пәнінің мұғалімдері және мектеп медбикелері бар. Шара барысында Ұйғыр аудандық орталық ауруханасының мамандары – психолог Г. Қожақанова, нарколог Ч. Нуржанов, гинеколог Г. Мусаева өз бағыттары бойынша маңызды түсіндірме жұмыстарын жүргізді. Мамандар жасөспірімдер мен ересектер арасында жиі кездесетін тәуекел факторларын, олардың алдын алу жолдарын және мектептердегі профилактикалық жұмыстың маңызын атап өтті.
Алматы облыстық АИТВ алдын алу және оған қарсы күрес орталығының маманы Н. Қасымов қатысушыларға АИТВ-ның алдын алу шаралары, инфекциямен күресте кездесетін негізгі қиындықтар және АИТВ инфекциясының алдын алу мәселелерін білім беру жүйесіне тиімді интеграциялау жөнінде мазмұнды дәріс оқыды.
Қатысушылар дөңгелек үстелдің маңыздылығын атап өтіп, мұндай шаралар білім беру саласындағы мамандардың ақпараттық дайындығын күшейтіп, жас буынға дұрыс бағыт-бағдар беруде маңызды рөл атқаратынын жеткізді.
Алдағы уақытта да осындай кездесулер жалғасын тауып, өңірде АИТВ-ның алдын алу және салауатты мінез-құлық қалыптастыру жұмыстары жүйелі түрде жүргізілмек.
толығырақ »
