Қараша 17, 2025
Науқан аясында әскерилер АИТВ тестілеуден өтті10 қарашадан 10 желтоқсанға дейін елімізде «АИТВ-ға қарсы күрестегі қиындықтардан – тиімді өзгерістерге» республикалық ақпараттық науқан өтуде.
Осы науқан аясында Атырау облыстық АИТВ инфекциясының алдын алу орталығының мамандары «Батыс» өңірлік қолбасшылығы әскерлерінің жеке құрамымен ақпараттық кездесу өткізді.
Кездесу барысында әскери қызметшілер АИТВ жұғу жолдары, алдын алу тәсілдері, тестілеудің маңызы және жеке жауапкершілік туралы жан-жақты ақпарат алды.
«Әскерилердің өз денсаулығына жауапкершілікпен қарауы маңызды. Бүгінгі кездесу барысында 50 адам жедел түрде АИТВ тестінен өтті, бұл профилактикалық шаралардың тиімді екенін көрсетеді», — деді Атырау облыстық АИТВ инфекциясының алдын алу орталығының маманы Рашида Муканова.
Осындай кездесулер жастар мен әскери қызметшілер арасында денсаулық мәдениетін қалыптастыруға, АИТВ-ға қатысты стигманы азайтуға және қоғамдық санада дұрыс түсінік орнатуға ықпал етеді.
толығырақ »Қараша 17, 2025
«Бақыт кішкентай нәрседе» акциясы талдықорғандықтарды АИТВ-ға қарсы біріктірдіҚаланың орталығында Дүниежүзілік ЖИТС-пен күрес күніне орай «Бақыт кішкентай нәрседе» атты әлеуметтік акция өтті. Іс-шара «Қиындықтардан – өзгерістерге: АИТВ-ға жауап ретінде» ұранымен ұйымдастырылды.
Шараның ұйымдастырушысы – Жетісу облыстық АИТВ инфекциясының алдын алу орталығы, волонтерлік және жастар ұйымдарының қолдауымен өткізілді.
Акция барысында қала тұрғындары мамандардың кеңестерін алып, АИТВ мен жыныстық жолмен берілетін басқа да инфекциялардың алдын алу бойынша ақпараттық материалдармен танысты. Достық және жылы атмосфера орнату мақсатында волонтерлер жүргіншілерге өз денсаулығына қамқор болудың және айналадағы адамдарға көңіл бөлудің маңыздылығын еске салатын тақырыптық жазуы бар шоколадтар сыйлады.
АИТВ – үкім емес, онымен ұзақ әрі белсенді өмір сүруге болады.
Мамандардың айтуынша, адам өз АИТВ-статусын неғұрлым ертерек білсе, емдеу соғұрлым тиімді болып, өмір сапасы жоғары болады. Мұндай акциялар адамдарға алғашқы қадам жасауға – қорқыныш пен айыптаусыз тест тапсырып, шындықты білуге мүмкіндік береді.
Іс-шараға ондаған волонтер мен қала тұрғындары қатысты. Қатысушылардың пікірінше, мұндай бастамалар халықтың ақпараттылығын арттыруға және АИТВ туралы жалған түсініктерді жоюға ықпал етеді.
ШЖҚ «Облыстық АИТВ инфекциясының алдын алу орталығы» МКК мамандары өткен жылдың осындай кезеңімен салыстырғанда жаңа АИТВ жұқпаларының азайғанын атап өтті. 2025 жылдың басынан бері 134 ақпараттық-ағартушылық іс-шара өткізіліп, 10 мыңнан астам адам қамтылған. Бұл алдын алу жұмыстарының тиімділігін және мұндай акциялардың маңыздылығын дәлелдейді.
толығырақ »Қараша 14, 2025
Елордалық автовокзалындағы акция2025 жылғы 14 қарашада елордалық Сапаржай автовокзалында АИТВ инфекциясының алдын алу орталығының мамандары «АИТВ-ға қарсы күрестегі қиындықтардан - тиімді өзгерістерге» ұранымен Дүниежүзілік ЖИТС-пен күрес күніне орайластырылған іс-шаралар шеңберінде қаланың тұрғындары мен қонақтарына арналған акция өткізді.
Автовокзал аумағында арнайы экспресс-тестілеу пункті орналасты, онда әрбір адам өзінің АИТВ-мәртебесін тез, жасырын және тегін тексере алды. Тестілеуден басқа, мамандар АИТВ-инфекциясының алдын алу шаралары, жұқтыру жолдары туралы мәселелер бойынша кеңес беріп, қауіпті жағдайларсыз салауатты өмір салтын ұстануға шақырды.
Акция келушілердің қызығушылығын тудырды. Көбісі бұрын мұндай іс-шараларға қатыспағандығын мойындады, бірақ шараның ыңғайлылығы мен жасырын түрі шешуші факторларға айналды.
«Бұл АИТВ-статусты біліп қана қоймай, денсаулық туралы пайдалы ақпарат алуға мүмкіндік, тұрғындар АИТВ туралы неғұрлым көп білсе, эпидемиямен соғұрлым тиімді күресуге болады», - деп бөлісті эпидемиолог дәрігер Г.Е. Қаратаева.
Іс-шара қарапайым шындықты қоғамға жеткізудің маңыздылығының жарқын мысалы болды: АИТВ-ның мәртебесін білу - денсаулық пен әл-ауқатты сақтауға бағытталған қадам.
Экспресс-тестілеу қызметі мен консультациясын 31 адам алды.
толығырақ »Қараша 14, 2025
Ақмола облысында екі жыл ішінде АИТВ-ның вертикальды жолымен берілуінің бірде-бір жағдайы тіркелген жоқСоңғы екі жылда Ақмола облысында АИТВ-ның бірде-бір вертикальды жұғу жағдайы тіркелген жоқ. Бұл көрсеткіш мамандардың тиімді профилактикалық және емдеу жұмыстарының, сондай-ақ уақытында медициналық ұйымдарға жүгінген әйелдердің сенімінің арқасында мүмкін болды. Бұл туралы Облыстық АИТВ-инфекциясының алдын алу орталығының дәрігерлері Өңірлік коммуникация қызметінде өткен брифингте хабарлады.
«Бүгінгі оң нәтижелерге жүкті әйелдерді ерте тестілеу, антиретровирустық терапиямен қамтуды арттыру және үздіксіз медициналық қолдау көрсету арқылы қол жеткізілді», - деп атап өтті Ақмола облыстық АИТВ-инфекциясының алдын алу орталығының бас дәрігері - Нурлан Ахильбеков.
2025 жылдың он айында аймақта инфекцияның 108 жаңа жағдайы анықталды. Өткен жылмен салыстырғанда бұл көрсеткіштің аздап төмендегенін көрсетеді. Негізгі берілу жолы қорғалмаған жыныстық қатынас, ол 80 %-дан астамды құрады.
Бас дәрігердің айтуынша, бүгінде АИТВ жұқтырған әрбір әйел медицина қызметкерлерінің ұсыныстарын орындаса, дені сау баланы дүниеге әкеле алады. Бұл адам өзінің жағдайын біліп, ем қабылдаса, АИТВ-инфекциясының бақылауда екенінің дәлелі.
Бүгінгі таңда елімізде дені сау балалардың дүниеге келуі үшін барлық қажетті жағдайлар жасалған. Медицина қызметкерлері әйелдерді жүктілікке тез арада тіркелуге және дәрігердің ұсыныстарын орындауға шақырады. Жүктілік кезінде АИТВ-ға екі рет тест тапсыру маңызды. Бұл «серологиялық кезең» деп аталатын уақытқа байланысты: инфекциядан кейін вирус ағзада болады, бірақ тесттер оны бірден анықтамауы мүмкін, себебі ағзаға АИТВ-ға қарсы антиденелер өндіру үшін уақыт қажет. Бұл процесс әдетте екі аптадан үш айға дейін созылады.
Сондықтан, тестілеуді 10-12 және 28-30 апталарда жүргізу керек, ал егер анықталса, вирустың туылмаған балаға берілу қаупін азайту үшін антиретровирустық препараттармен емдеуді дереу бастау керек.
АИТВ-ны емдеу диагноз қойылғаннан кейін бірден басталатынын және мемлекет тарапынан тегін көрсетілетінін атап өту маңызды.
2025 жылдың қараша айының басында Ақмола облысында АИТВ жағдайы оң 6 жүкті әйел бақылауда болды, 17-сі босанды және 9 бала "Дені сау" диагнозымен алынды.
Қорқыныш пен алалаушылықты жеңбей медициналық жетістіктерге жету мүмкін емес. Орталық мамандары қоғамда кемсітушілік неғұрлым аз болса, соғұрлым көп адам тестілеуден өтуге, кеңес алуға және көмек алуға дайын екенін атап өтеді.
Дүниежүзілік ЖИТС-пен күрес күні қарсаңында, аймақта ақпараттық іс-шаралар, жедел тестілеу акциялары және жастармен кездесулер өткізіледі.
Орталықтың алдын алу жұмысы бөлімінің меңгерушісі- Асель Балтабаева атап өткендей, медициналық ұйым қазіргі уақытта Жастар денсаулық сақтау орталықтарымен, қоғамдық ұйымдармен және білім беру мекемелерімен белсенді түрде ынтымақтастықта болып, жастар арасында өз денсаулығына жауапкершілікпен қарауды және басқаларға төзімділікті қалыптастыруда.
Биылғы жылдың алғашқы он айында шамамен 1300 адамның қатысуымен, 15 алдын алу акциясы жүргізіліп, олардың 305-і жедел тестілеуден өтті. Бұл алдын алу жұмыстарында айналмалы аудио және бейнероликтер мен баннерлер сияқты сыртқы жарнама белсенді түрде қолданылады.
Естеріңізге сала кетейік, 1 желтоқсан - Дүниежүзілік ЖИТС-пен күрес күні. Биылғы жылы бұл күннің тақырыбы "АИТВ-ға қарсы күрестегі қиындықтардан - тиімді өзгерістерге". Бұл ұран елдер мен қауымдастықтардың қол жеткізілген жетістіктерді қорғау және АИТВ-ға қарсы күресті ілгерілету бойынша күш-жігерін күшейткен кезде олардың төзімділігін көрсету қажеттілігін көрсетеді.
UNAIDS ресми веб-сайтында атап өтілгендей, АИТВ қызметтеріне қолжетімділікті жақсарту, стигма мен кемсітушілікті жою және әйелдердің, қыздардың және ЛГБТК+ адамдардың құқықтарын қорғауды қамтамасыз ету үшін өзгерту шешімдері қажет.
толығырақ »Қараша 14, 2025
Жамбыл облысында қыздар арасында волейболдан облыстық турнир өттіДүниежүзілік ЖИТС-пен күрес күніне орай Тараз қаласының «Құмшағал» тұрғын алқабындағы дене шынықтыру кешенінде «АИТВ-ға қарсы күрестегі қиындықтардан – тиімді өзгерістерге» ұранымен қыздар арасында волейболдан облыстық ашық турнир ұйымдастырылды.
Іс-шараның мақсаты – жастар арасында АИТВ-инфекциясы, жыныстық жолмен берілетін инфекциялар (ЖЖБИ) және басқа да жұқпалы аурулардың алдын алу мәдениетін қалыптастыру, қоғамның ақпараттану деңгейін көтеру, денсаулыққа жауапты көзқарасты дамыту және салауатты өмір салтын насихаттау. Сонымен қатар, турнир жастардың спортқа қызығушылығын арттыруға және бұқаралық спортты дамытуға бағытталды.
Іс-шара қатысушылардың жауапты мінез-құлқын қалыптастыруға, медициналық қызметкерлерге деген сенімін арттыруға және белсенді өмір салтына деген қызығушылығын ынталандыруға ықпал етті.
Турнир Тараз қаласы әкімдігінің дене шынықтыру және спорт бөлімінің ұйымдастыруымен, Жамбыл облыстық денсаулық сақтау басқармасы, Жамбыл облыстық ЖИТС орталығы және «Жастар ресурстық орталығы» КММ-нің қолдауымен өтті.
Жарысқа облыстың әртүрлі колледждерінен келген студент қыздардан құралған 6 команда қатысты. Әр команда 8 ойыншыдан құралып, ойындар халықаралық стандарттарға сәйкес өткізілді. Турнир барысында қатысушылар арасында спорттық рух пен өзара ынтымақтастық қалыптасты.
Жеңімпаздар: І орын – «Парасат» жоғары колледжі; ІІ орын – Абай атындағы Жамбыл гуманитарлық жоғары колледжі; ІІІ орын – Тараз сервис және технология колледжі.
Жүлделі орын алған командалар арнайы кубоктармен, медальдармен, дипломдармен және бағалы сыйлықтармен марапатталды.
Облыстық турнир жастардың спортқа деген қызығушылығын арттырып қана қоймай, қоғамда АИТВ инфекциясының алдын алу мәдениетін қалыптастыруға және салауатты өмір салтын насихаттауға ерекше үлес қосты.
толығырақ »Қараша 14, 2025
Өскеменде дәрігерлерге арналған АИТВ мәселелері бойынша облыстық семинар өттіЖИТС-пен күресудің дүниежүзілік күні қарсаңында Өскемен қаласында жалпы практика дәрігерлері мен учаскелік терапевтерге арналған мамандандырылған семинар өтті. Іс-шара 14 қарашада ұйымдастырылып, 10 қараша мен 10 желтоқсан аралығында өтетін айлық аясында жүзеге асырылды. Айлықтың мақсаты – АИТВ жұқпасының алдын алу шараларын күшейту және медициналық қызметкерлер арасында ақпараттануды арттыру.
Семинар барысында ШҚО ЖИТС-тің алдын алу және оған қарсы күрес орталығының мамандары мен бөлім меңгерушілері алғашқы медициналық-санитарлық көмек көрсететін дәрігерлер күнделікті жұмысында кездесетін маңызды мәселелерді жан-жақты талқылады. Қатысушыларға өңірдегі және республикадағы АИТВ бойынша эпидемиологиялық ахуал, 95-95-95 мақсаттарына қол жеткізу көрсеткіштері, АИТВ-ның берілу жолдары және заманауи алдын алу тәсілдері түсіндірілді.
АИТВ-ға клиникалық және эпидемиологиялық көрсеткіштер бойынша тексеру тақырыбы ерекше назар аудартты. Мамандар дәрігер қандай шағымдар мен белгілерге мән беруі керектігін, қандай жағдайларда пациентті АИТВ-ға талдауға жіберу қажеттігін атап өтті. Сонымен қатар, жүкті әйелдерді бақылау және АИТВ-ның анадан балаға берілуінің алдын алу мәселелері де қарастырылды.
Семинарда АИТВ инфекциясын емдеудің қазіргі тәсілдері, жаңа препараттар, біріктірілген емдеу сызбалары, резистенттілік мәселелері және қосымша аурулары бар пациенттерді жүргізудің ерекшеліктері түсіндірілді. Вирустық гепатиттерді қоса алғанда, қосалқы жұқпалар (ко-инфекциялар), олардың диагностикасы мен емдеу тактикасы да айтылды.
Практикалық бөлімде қатысушыларға АИТВ-ға жедел тестілеу тәртібі көрсетіліп, АИТВ инфекциясының өршіп кеткен сатылары бар пациенттерге медициналық көмек көрсету және ауруханаға жатқызудың көрсеткіштері талқыланды.
Мамандар атап өткендей, жалпы практика дәрігерлерінің қырағылығы мен клиникалық көрсеткіштер бойынша пациенттерді дер кезінде АИТВ-ға тестілеуге жіберуі – инфекцияны ерте анықтаудың және тиімді емдеудің басты факторы.
толығырақ »Қараша 14, 2025
ШҚО-да АИТВ бойынша 2025 жылдың 10 айындағы көрсеткіштер баяндалдыШығыс Қазақстан облысының Өңірлік коммуникациялар қызметінде ЖИТС-тің алдын алу және оған қарсы күрес орталығының Дүниежүзілік ЖИТС-пен күрес күніне арналған брифингі өтті. Шара барысында орталық мамандары 2025 жылдың 10 айындағы жұмыс нәтижелерін жариялап, өңірдегі алдын алу бағытындағы негізгі міндеттерді атап өтті.
Орталықтың мәліметінше, биылғы жылы АИТВ инфекциясын ерте анықтауға, тестілеумен қамтуды кеңейтуге және халықтың, әсіресе жастардың хабардарлығын арттыруға ерекше көңіл бөлінуде. Сондай-ақ АИТВ-мен өмір сүретін адамдарға қатысты стигманы төмендету, медициналық ұйымдармен, білім беру мекемелерімен және үкіметтік емес сектормен ынтымақтастықты күшейту маңызды бағыттардың бірі болып отыр.
ЖИТС орталығының өкілдері атап өткендей, Дүниежүзілік ЖИТС-пен күрес күніне орай облыста «АИТВ-ға қарсы күрестегі қиындықтардан – тиімді өзгерістерге» ұранымен түрлі акциялар, оқу семинарлары және тұрғындармен кездесулер өтуде. Іс-шаралардың мақсаты – халықтың ақпараттануын арттыру, денсаулыққа жауапкершілікпен қарауды қалыптастыру және алдын алу қызметтерінің қолжетімділігін кеңейту.
Брифинг қорытындысы бойынша мамандар ақпараттық-түсіндіру жұмысының АИТВ-инфекциясы бойынша жағдайды тұрақтандыруға және халық арасында уақтылы тест тапсыру мәдениетін қалыптастыруға ықпал ететін негізгі құралдардың бірі екенін атап өтті.
толығырақ »Қараша 14, 2025
ШҚО-да «АИТВ-кеші» өтті: қабылдау, қолдау және денсаулыққа қамқорлық туралы әңгімеҚазақстан-Америка еркін университетінде «Қорқынышсыз өмір: қабылдау, қолдау және денсаулыққа қамқорлық мәдениеті» тақырыбында «АИТВ-кеші 2025» фасилитаторлық дискуссиясы өтті. Шара Дүниежүзілік ЖИТС-пен күрес күніне арналған ақпараттық-ағартушылық кампания аясында ұйымдастырылды.
Іс-шараның ұйымдастырушысы — Шығыс Қазақстан облыстық ЖИТС-тің алдын алу және оған қарсы күрес орталығы. Кездесудің басты мақсаты — жастардың АИТВ-инфекциясының алдын алу мәселелері жөніндегі хабардарлығын арттыру, денсаулыққа жауапкершілікпен қарау мәдениетін қалыптастыру және АИТВ-ға қатысты стереотиптерді жоюға ықпал ету.
Дискуссияға медициналық қауымдастық өкілдері, АИТВ-мен өмір сүретін адамдар, сондай-ақ Қазақстан-Америка еркін университетінің бизнес, құқық және педагогика факультетінің декан орынбасары, қоғам қайраткері — Гүлжан Бақытбекқызы Еділбаева қатысты.
Кездесу барысында қатысушылар қабылдау және өзін-өзі қолдау, АИТВ-нің алдын алуда отбасы мен қауымдастықтың рөлі, стигманы еңсеру жолдары, сондай-ақ қорғаудың және тестілеудің заманауи әдістері туралы пікір алмасты.
Ашық диалог форматы студенттерге сұрақтар қоюға, өз пікірлерімен бөлісуге және мәселені нақты өмірлік оқиғалар арқылы түсінуге мүмкіндік берді.
Талқылау соңында қатысушылар АИТВ – үкім емес екенін атап өтіп, өз денсаулығына қамқорлық пен тұрақты тестілеу – өмір мен денсаулыққа жауапты көзқарастың табиғи бөлігі екенін еске салды.
толығырақ »Қараша 14, 2025
Тексер! Таны! Өмір сүр!Осындай ұранмен Алматы қалалық ЖИТС-тің алдын алу және оған қарсы күрес орталығының медицина қызметкерлері №11 мекемесінің жасөспірімдеріне арнап акция өткізді.
Акция Дүниежүзілік ЖИТС-ке қарсы күрес күніне арналған ақпараттық науқан аясында ЮНЭЙДС-тің «АИТВ-ге қарсы әрекетте – өзгерістерге жол» ұранымен ұйымдастырылды.
Медицина қызметкерлері қатысушыларға АИТВ жұғу жолдары мен алдын алу шаралары туралы айтып, алдын алу бойынша білім деңгейін анықтау үшін блиц-сұрақтар қойып, ауру төңірегіндегі мифтерді түсіндірді.
Жасөспірімдер викторинаға қызығушылықпен қатысып, сұрақтарға жауап беріп, нәтижелерді талқылады. Барлығы өз сыйлықтарын алды.
«АИТВ» тақырыбындағы синквейн қатысушыларға білімдегі олқылықтарды толықтыруға және іс-шараға эмоционалды реңк беруге көмектесті.
Іс-шара барысында АИТВ-мен өмір сүретін адамдарға толеранттылық таныту мен қолдау көрсету мәселелеріне ерекше көңіл бөлінді.
Интерактивті бөлімде жасөспірімдерге шынайы өмірлік жағдайларды талдау ұсынылды. Бұл олардың қандай әрекеттер қауіп төндіретінін, ал қайсысы тек жалған түсінік екенін жақсырақ түсінуге мүмкіндік берді.
толығырақ »Қараша 14, 2025
SDU University студенттері АИТВ жайлы ашық талқылап, мифтерді бұзды 2025 жылдың 13 қарашасында Қаскелең қаласындағы SDU университетінде «АИТВ-ға қарсы күрестегі қиындықтардан – тиімді өзгерістерге» ұранымен ерекше акция өтті.
Іс-шара дәстүрлі семинар форматында емес, «ВИЧеринка» түрінде, яғни жастарға арналған интерактивті, ашық атмосферада ұйымдастырылды. Кездесуге 50 шақты студент қатысып, ерекше қызығушылықпен мамандарға тікелей сұрақтарын қойды.
Науқан Алматы облыстық ЖИТС-ның алдын алу және оған қарсы күрес орталығы, «Доверия плюс» қоғамдық қоры және «Teenergizer» қозғалысы мамандары мен бірлесіп ұйымдастырылды. Басты мақсат - жастардың АИТВ инфекциясы туралы білім деңгейін көтеру және қоғамдағы жаңсақ пікірлерді жою.
Алматы облыстық ЖИТС орталығының инфекционист дәрігері С. Махмутова студенттердің сұрақтарына жауап беріп, АИТВ туралы ең көп тараған қате түсініктерді жоққа шығарды.
«Доверия плюс» ҚҚ-ның кеңесшісі С. Кабжалелов, АИТВ-мен ашық өмір сүріп жүрген адам ретінде, өзінің өмірлік тәжірибесімен бөлісті. Ол диагноздан кейінгі өмірі туралы қолдаудың, хабардарлықтың және әлеуметтік қабылдаудың маңыздылығы жайлы айтты.
«Teenergizer» ұйымының резиденті Т. Молдағали АИТВ туралы ең маңызды деректермен бөлісіп, кең тараған мифтерді жоққа шығарды.
Іс-шараның интерактивті бөлігінде студенттер АИТВ туралы сұрақтардан құралған 15 сұрақтық Kahoot онлайн-викторинасына қатысты. Жеңімпаздар естелік сыйлықтармен марапатталды.
Студенттер мамандарға ашық әңгіме мен пайдалы ақпарат үшін алғыстарын білдіріп, мұндай кездесулер қорқынышты сейілтіп, өз денсаулығына жауапкершілікпен қарауға үйрететінін атап өтті.
Осындай науқандар Алматы облысының барлық өңірлерінде тұрақты түрде өткізіліп, жастар арасында АИТВ тақырыбына деген толерантты және саналы көзқарас қалыптастыруға ықпал етеді.
толығырақ »
