Сенім көпірі

Қараша 21, 2025

 2025 жылғы 18 қарашада Алматы қаласындағы ЮНЕСКО-ның өңірлік офисінде Дүниежүзілік ЖИТС-пен күрес күніне арналған «Сенім көпірі: Алматы ↔ Астана» атты аралас форматтағы жастар шарасы өтті. Іс-шараның мақсаты – Алматы мен Астана қалаларының жастар қауымдастықтарын офлайн және онлайн қатысуды біріктірген динамикалық интерактивті телемост арқылы байланыстыру. Дискуссия достық, сенім, эмоционалдық әл-ауқат, стигманы азайту және ВИЧ-инфекцияның алдын алу мәселелеріне арналды. Талқылау жастарға түсінікті әрі мәдени тұрғыдан бейімделген форматта жүргізілді. Астана қаласынан Назарбаев Университетінің студент жастары қатысты.

Іс-шараны ЮНЕСКО-ның Алматы қаласындағы Кластерлік бюросының білім беру жөніндегі ұлттық маманы Алпысбаева Мейргүл құттықтау сөзімен ашты. Өз сөзінде ол: «Өнерді, батылдықты немесе ашық әңгімені не біріктіреді? “Сенім көпірі” жастар паблик-токы – бұл ұятсыз, ашық сөйлейтін орын: өз денеміз, өсу, қарым-қатынас, АИТВ, мифтер, қорқыныштар мен өзімізге және өзгелерге қамқор болуға кедергі келтіретін стереотиптер туралы айтамыз» деген ойын айтты.

Шара барысында «Эссе» театралдық қойылымы көрсетілді – жастардың денсаулығы мен таңдауына ұят пен тыйымдардың қалай ықпал ететіні туралы оқиға. Сондай-ақ дәріссіз, тек peer-to-peer форматындағы медициналық сарапшылармен тірі диалог жүргізілді. Медициналық сарапшы ретінде дерматовенеролог Утегенова Әлия Қазиевна Қазақстанның дерматология және инфекциялық аурулар ғылыми орталығын таныстырды. Іс-шара аясында интерактивтер, «Ойлар қабырғасы» және «Әрекетке шабыт қуаты» секілді белсенді бөлімдер өткізілді.

барлық жаңалықтар »