ҚДИАҒО резиденттерінің қорытынды аттестациясы басталды

Шілде 13, 2026

Қорытынды мемлекеттік аттестацияға 33 резидент қатысып жатыр. Олардың барлығы оқу бағдарламасын толық меңгеріп, жеке оқу жоспарын ойдағыдай орындап шықты.

Резиденттер – болашақ дерматовенеролог және дерматокосметолог дәрігерлер. Мұндай мамандар бүгінде өте қажет: еліміздің бірқатар өңірлерінде олардың тапшылығы байқалады. Дерматовенеролог – тері және венерологиялық аурулардың кең ауқымымен айналысатын әмбебап дәрігер. Ол тері, шаш, тырнақ ауруларын, сондай-ақ жыныстық жолмен берілетін инфекцияларды емдейді.

Резидентураны аяқтағаннан кейін түлектер ересектерге де, балаларға да білікті медициналық көмек көрсете алады. Олардың дайындығы тек ауруларды емдеуге ғана емес, сонымен қатар аурудың алдын алуға да бағытталған, бұл өте өзекті мәселе.
ҚДИАҒО-да оқуға барлық жағдай жасалған: заманауи ғылыми база, тәжірибелі педагогикалық ұжым, инновациялық технологиялар және озық медициналық жабдықтарға қолжетімділік.
Резиденттерімізге қорытынды мемлекеттік аттестацияны сәтті тапсыруларын тілейміз!

барлық жаңалықтар »