АИТВ-дан қалай қорғануға болады

Қантар 16, 2026

«Престиж» колледжінің  оқушылары  15 қаңтардағы  интерактивті  дәрісте көптеген жаңа ақпараттар мен АИТВ -дан қорғау шараларын білді.

Дәрісті, Алматы қаласының ЖИТС  алдын алу және оған қарсы күрес орталығының  медицина  мамандары өткізді. Дәрігерлер вирустың берілу жолдары мен одан қорғану шаралары туралы түсінікті түрде айтып берді.

Кездесуде  АИТВ  туралы кең таралған аңыздарды жоққа шығаруға ерекше назар аударылды. Мамандардың айтуынша, вирус қол алысу, құшақтау, ыдыс-аяқты бірге пайдалану немесе тұрмыстық байланыстар арқылы таралмайды, бұл негізсіз қорқыныш пен стигматизация деңгейін төмендетуге көмектеседі.

Оқушыларға жауапты мінез-құлықтың  және  өз денсаулығына саналы түрде қараудың маңыздылығы туралы айтылды. Дәрігерлер жеке қорғану құралдарын пайдалану және медициналық тексерулерден тұрақты өту, ЖЖЖИ берілу қаупін едәуір төмендететінін еске салды.

Дәріс барысында студенттер, АИТВ-инфекциясын диагностикалау мен емдеудің заманауи әдістері туралы білді. АИТВ-мен ауыратын адамдар уақтылы анықталып, дұрыс емделген жағдайда толыққанды әрі белсенді өмір сүре алатыны аталып өтті.

Іс-шараның  интерактивті форматы, оқушыларға  өздерін қызықтырған сұрақтарды қойып, мамандардан жауаптар алуға мүмкіндік берді. Мұндай диалог ақпаратты жақсы меңгеруге және сауаттылық деңгейін арттыруға ықпал етті.

#орталықЖИТСАлматы #алдыналуАИТВ

барлық жаңалықтар »