93% тиімділік: Жетісу АИТВ-мен күресте тұрақты нәтижелер көрсетуде

Желтоқсан 24, 2025

Бұл нәтижелер «Қиындықтардан – өзгерістерге: АИТВ-ға жауап ретінде» ұранымен ЮНЭЙДС науқаны аясында мемлекеттік және үкіметтік емес ұйымдардың бірлескен жұмысының арқасында қол жеткізілді.

Бүгінде АИТВ-инфекция өлім қаупін төндіретін диагноз болудан шықты. Медицина жетістіктерінің арқасында ол бақылауда болатын созылмалы ауруға айналды. АИТВ инфекциясын заманауи емдеу және алдын алу тәсілдері туралы Жетісу облысы Денсаулық сақтау басқармасы ШЖҚ «Облыстық АИТВ-ның алдын алу орталығы» МКК директордың орынбасары Айман Калиева және аурулардың алдын алу және қоғаммен байланыс бөлімінің меңгерушісі Марал Матембаева айтып берді.

Спикерлердің мәліметінше, Жетісу облысында антиретровирустық терапия қабылдап жүрген АИТВ-мен өмір сүретін адамдардың 93%-дан астамының вирус жүктемесі басылған.

Заманауи емдеу тәсілдері науқастардың жалпы денсаулығын, соның ішінде жүрек-қан тамырлары аурулары, қант диабеті және сүйек жүйесінің проблемаларын алдын алуды ескереді. Емдеу схемасын сақтау арқылы терапия тиімділігі 100%-ға жуықтайды, ал АИТВ-мен өмір сүретін адамдардың өмір сүру ұзақтығы мен сапасы вирусты жұқтырмаған адамдардан ерекшеленбейді.

Денсаулық сақтау жүйесінің басты міндеті – АИТВ инфекциясын ерте анықтау және терапияны дереу бастау. Қазақстанда АИТВ инфекциясына ем алу қолжетімді, қауіпсіз және тиімді.

барлық жаңалықтар »