Астана әуежайының жолаушылары мен қызметкерлері үшін АИТВ-ға жедел тестілеу

Қараша 26, 2025

Астана қаласының халықаралық әуежайында 50 адам АИТВ-ға тексерілді. АИТВ инфекциясы орталығының дәрігерлері елорда тұрғындары мен қонақтары үшін жедел тестілеу акциясын өткізді, сондай-ақ «АИТВ-ға қарсы күрестегі қиындықтардан - тиімді өзгерістерге» Дүниежүзілік науқан аясында инфекциясының алдын алу шаралары туралы айтты.

Іс-шара барысында мамандар алдын алу негіздерін, вирустың берілу жолдарын еске салып, тұрақты тексерулердің маңыздылығын атап өтті. Қатысушыларға инфекцияны уақтылы анықтау емдеуді ерте бастауға және өмір сапасын сақтауға мүмкіндік беретінін түсіндірді.

Тілек білдірушілер диалогқа белсенді қатысып, диагностиканың заманауи әдістері, емдеу және АИТВ-мен байланысты кең таралған мифтер туралы сұрақтар қойды. Дәрігерлер қандай жағдайлар қауіп төндірмейтінін егжей-тегжейлі түсіндіріп, қаладағы тегін және құпия тестілеудің қолжетімділігін еске салды.

Акция қорытындысы бойынша әуежай қызметкерлері мен жолаушылары мүмкіндікті пайдаланып, дәл сол жерде АИТВ-ға жедел тестілеуден өтіп, мамандардан кеңес алды.

#ТоқтаАИТВkz#АстанаАИТВорталығы#

барлық жаңалықтар »