Алматыда өткен серіктестерге арналған форум

Қараша 23, 2023

23 қарашада «АИТВ эпидемиясын бақылаудың Алматы моделі» жобасының серіктестеріне арналған форумға қатысушылар бірлесіп жеткен жеңістерді, жетістіктерді, кедергілерді еңсеруді және болашақ белсенділікті талқылады.

Тиімді серіктестік АИТВ-ны жеңуге көмектеседі. Бұл лейтмотив пікірталастар мен маңызды мәселелерді талқылауды басқарды. Барлық қатысушылар-мемлекеттік, халықаралық, үкіметтік емес ұйымдардың қызметкерлері, азаматтық белсенділер ынтымақтастық - бәріне қажет деп бірауыздан келісті.

Қатысушыларды құттықтай отырып, Алматы қаласы ЖИТС-тың алдын алу және оған қарсы күрес орталығының директоры М. Төкеев және Элтон Джонның ЖИТС-ке қарсы күрес қорының аға бағдарламалық жетекшісі Джейк Рашбас кез келген серіктестік ортақ мақсат болған кезде, өзара іс-қимыл ортақ қағидаттарға негізделіп, ресурстар мен мүмкіндіктерді біріктірген кезде тиімді болатынын атап өтті.

Алматыда АИТВ-ны бақылау жөніндегі тұрақты, кешенді, экономикалық тиімді қалалық бағдарламаны құру және іске асыру мақсатында «АИТВ эпидемиясын бақылаудың Алматы моделі» жобасы 2020 жылдың шілдесінен бастап әрекет етеді. Осы уақыт ішінде халықтың негізгі топтары үшін әлеуметтік желілерді пайдалана отырып тестілеуде инновациялық тәсілдер енгізілді, АИТВ-ға тестілеуге тапсырыс беру бойынша онлайн сервис құрылды, елде алғаш рет байланысқа дейінгі профилактиканы пайдалану  және тағы басқалар басталды.

Жобаның табыстарының бірі ЖИТС орталығы мен ҮЕҰ арасында АИТВ анықталған сәттен бастап диспансерлік есепке қоюға, АРТ қабылдауды бастауға және одан әрі сүйемелдеуге дейінгі клиентті, халықтың негізгі топтарының өкілін сүйемелдеу бойынша құрылған тиімді ынтымақтастық болып табылады.

барлық жаңалықтар »