Обычная версия сайта
Qazaqstan Respýblıkasy,
Almaty q, Raıymbek d-ly,60
+7 (727) 39742 23 Qabyldaý bólimi
+7 (727) 39742 17 Tirkeý orny
+7 (727) 39742 06 Senim telefony
1414 Бірыңғай байланыс орталығы
Желтоқсан 1, 2022
1 желтоқсанда Дүниежүзілік ЖИТС-ке қарсы күрес күні Алматы қаласының ЖИТС орталығы алматылықтарды Ашық есік күніне шақырды.
Таңертеңнен бастап тілек білдірушілер Басенов көшесі 2, 4-корпус мекенжайына асықты. Оларды медицина қызметкерлері мен еріктілер күтті. Әрбір алматылық үшін сапар қызықты әрі пайдалы болды.
102 адам АИТВ-инфекциясына тестілеуден өтті. Тестті ИХЛА/ИФА және жедел әдістерімен тапсыру мүмкіндігі болды. Екінші жағдайда, сіз өзіңіздің АИТВ-статусыңызды 20 минут ішінде біле аласыз. Барлық тестен өтушілерге медициналық қызметкерлер тестке дейінгі кеңес беріп, сұрақтарға жауап берді.
АИТВ-ның қалай берілетінін, өзіңізді вирустан қалай қорғауды және салауатты өмір салтын ұстанудың маңыздылығын білгісі келетіндер үшін шағын тренингтер ұйымдастырылды. Дәрігерлер АИТВ-ның берілу жолдары мен қорғаныс әдістері туралы айтты. Пайдалы танымдық ақпаратты Орталықта көрсетілген роликтерден алуға болады.
Ашық есік күніне қатысушылардың әрқайсысы пайдалы ақпараты бар буклет алды.
АИТВ-мен өмір сүретін адамдар үшін бұл күні дәрігерлердің қабылдауы ұйымдастырылды: гинеколог, педиатр, эпидемиолог, психолог, сондай-ақ шақырылған мамандар : онколог, онкомаммолог және гепатолог қабылдады. 54 адам шақырылған мамандардың қабылдауынан өтті.