15 қарашада  Алматыда "АИТВ: әрқайсысын тыңда" науқаны басталады

Қараша 15, 2021

Дүниежүзілік ЖИТС-ке қарсы күрес  күніне арналған науқан бүкіл әлемде өткізіледі, Қазақстанда ол 15-25 қараша аралығында "АИТВ: әрқайсысын тыңда" ұранымен өтеді.

ЖИТС-тың алғашқы жағдайлары тіркелгеннен бері қырық жыл өтті, бірақ АИТВ әлі де жаһандық қауіп болып қала береді. Дүниежүзілік ЖИТС-ке қарсы күрес күні ЮНЭЙДС ЖИТС індетін тоқтатып қана қоймай, халықтың негізгі топтарының, АИТВ-мен өмір сүретін адамдардың құқықтарын қорғауға, COVID-19 күрестің тиімділігін арттыруға және экономиканың қалпына келуін және оның тұрақтылығын қамтамасыз етуге шақырады.

— АИТВ-мен өмір сүретін адамдарға қатысты стигма мен кемсітушілікті жою, барлық мұқтаждарды қажетті дәрі – дәрмектермен және қызметтермен қамтамасыз ету, адам құқықтары мен гендерлік теңдікке негізделген тәсілдерді пайдалану-бұл АИТВ және COVID-19 пандемиясын тоқтатудың басты шарттары, - дейді Алматы қаласы  ЖИТС алдын алу және оған қарсы күрес орталығының бас дәрігері Марат Төкеев.

Науқан күндері Алматы қ.ЖИТС орталығының дәрігерлері қоғамдастықтармен және үкіметтік емес қоғамдық ұйымдармен бірлесіп, халықтың АИТВ-инфекциясының және COVID-19 алдын алу шаралары туралы білімін арттыруға бағытталған түрлі іс-шаралар өткізеді. Бизнес-құрылымдардың қызметкерлері үшін АИТВ-ға жедел тестілеу өткізу және ақпараттық-білім беру материалдарын тарату арқылы акциялар ұйымдастырылатын болады.

Білімді күшейту, стигма мен АИТВ-мен өмір сүретін адамдарды кемсітуге жол бермеу мақсатында жалпы білім беретін мектептер мен колледждердің педагогтары арасында әлеуметтік желілерде «Тоқта АИТВ Алмат» хештегімен бейнеөтініш жариялау арқылы челлендж өтеді.

Тестілеуді танымал ету және АИТВ – ның берілу жолдары туралы хабардар болуды арттыру үшін ЖИТС орталығының қызметкерлері дәрігерлерге, полицейлерге, педагогтарға, әскери қызметшілерге, қылмыстық-атқару жүйесінің қызметкерлеріне, аутрич-қызметкерлеріне онлайн режимінде тренингтер мен семинарлар өткізеді. С. Ж. Асфендияров атындағы Қазақ ұлттық медицина университетінің студенттері үшін "АИТВ және стигма/дискриминация"онлайн-пікірсайысы жоспарланған. ЖИТС орталығының дәрігерлері қаланың медициналық ұйымдары зертханаларының қызметкерлері үшін "АИТВ-ға алдын ала талдау кезеңінде тестілеудің сапасын қамтамасыз ету"тақырыбында кеңес ұйымдастырады.

АИТВ-мен өмір сүретін адамдар үшін ЖИТС орталығының аумағында флюромашинаны пайдалана отырып, туберкулезге скрининг, сондай-ақ Гепатолог пен онкомаммологтың консультациясын өткізу жоспарлануда.

ЖИТС орталығының Дүниежүзілік науқанды өткізу бойынша серіктестері арасында- Әкімдік, Қоғамдық денсаулық басқармасы, Алматы қаласының білім басқармасы, ІІД, ҚАЖК, халықаралық, қоғамдық үкіметтік емес және басқа да ұйымдар бар.

2021 жылдың бірінші қарашасына Алматы қ.ЖИТС орталығында 3824 АӨА есепте тұр. Соңғы жылдары жыныстық жолмен берілудің өсу тенденциясы байқалды. 2021 жылдың он айында жыныстық жолмен берілу АИТВ-жұқпасының жаңа жағдайларының 79.3% - тін, парентеральді есірткіні көктамыр ішіне қолдану факторы 15.2% - ын құрайды.

барлық жаңалықтар »