Қазақ дерматология және инфекциялық аурулар ғылыми орталығы

24 және 25  шілде Шымкент қаласында Денсаулық сақтау басқармасының тапсырмасымен «Серіктестерді тексеру – ана мен баланың денсаулығын қорғаудағы маңызды қадам» тақырыбында  семинар өткізілді. Семинарға Денсаулық сақтау басқармасының «Ана мен бала» бөлімінің бас маманы Б. Қайып, штаттан тыс лаборант дәрігері Н. Бердиярова, мемлекеттік және жекеменшік медициналық ұйымдардың АИТВ-инфекциясына жауапты мамандары қатысты. Іс-шараның негізгі мақсаты — жүкті әйелдер мен олардың серіктестерін АИТВ инфекциясына уақтылы тексеру жұмыстарын жетілдіру, ҚР ДСМ 27.11.2020ж. №211/2020 бұйрығы, сондай-ақ емдеу-алдын алу ұйымдарының арасындағы преаналитика, ықпалдастықты арттыру. Семинар барысында АИТВ-инфекциясының эпидемиологиялық жағдайы, №211/2020 ҚР ДСМ бұйрығы аясында алғашқы медициналық көмектің рөлі, зертханалық диагностика және преаналитикалық кезең талаптары, рецепиенттермен жұмыстың тиімді тәсілдері, АИТВ өмір сүретін адамдарды Д-есепке ал, қадағалау және АРВ терапияны жүргізу, қайтыс болғандарды талдау, АИТВ жұқтырған әйелдермен кешенді жұмыс, босану кезінде алдын алу шаралары бағыттарында мазұнды баяндамалар ұсынылды. Семинар қорытындысында қатысушылар тарапынан белсенді пікірталас болып, тәжірибе алмасу мақсатында сұрақ-жауап сессиясы ұйымдастырылды. - «Семинар біз үшін өте пайдалы болды. Жаңа әдістемелермен танысып, зертхана жұмысына қойылатын нақты талаптарды түсіндік. Біз енді серіктестерді қамтуды жүйелі түрде күшейтеміз», — деді «Медикер ЮК» мекемесінің  жауапты  маманы Л. Бердибек. - «АИТВ-инфекциясы – денсаулық сақтау саласындағы маңызды мәселелердің бірі. Бұл бағыттағы тиімді алдын алу, уақтылы скрининг пен емдеу жүйесінің дамуы қауіпсіздікті қамтамасыз етудің басты кепілі. Шымкент қаласында өткен бұл семинар – медициналық ұйымдардың тәжірибе алмасып, нақты шешімдер қабылдауға арналған маңызды алаңы болды»,- деп  Шымкент қаласы Денсаулық сақтау басқармасының ана мен бала денсаулығын қорғау бөлімінің бас маманы  Б. Қайып сөзінің соңында атап өтті.

26 шілдеде ҚДИАҒО қызметкерлері Абайдың 180 жылдығына орай жалпықалалық экологиялық акцияға қатысты. Акция "Таза Қазақстан" республикалық бағдарламасы аясында өткізілді.

2025 жылғы 19-28 шілде аралығында Дүниежүзілік вирустық гепатиттермен күрес күні аясында Ақтөбе облысында «Уақыт күтпейді!» ұранымен ақпараттық-алдын алу іс-шараларының онкүндігі өтті. 24 шілдеде Ақтөбе қаласының №7 қалалық емхана базасында вирустық гепатиттердің алдын алуға арналған облыстық семинар өтті. Іс-шараға қалалық және аудандық емдеу алдын-алу мекемелерінің бас дәрігерлері, АИТВ-ның алдын алу, салауатты өмір салты орталықтарының мамандары, эпидемиологтар мен гепатологтар қатысты. "Парентеральды вирустық гепатиттердің ең қауптісі - В,С және Д гепатиттері болып табылады. Аурудың ағымына ерекше назар аудару керек, өйткені бұл ауру бірнеше жыл ішінде цирроз және бауыр қатерлі ісігі сияқты ауыр асқынуларға әкелуі мүмкін. Бірақ бүгін алдын алу және емдеу әдістерінің арқасында біз вирустық гепатиттермен сырқаттанушылықты азайта аламыз",- деп қорытындылады Ақтөбе облысының бас штаттан тыс инфекционисті, гепатолог, м.ғ. к., профессор, М. Оспанова атындағы БҚМУ жұқпалы аурулар кафедрасының меңгерушісі Мейрамбек Құрманғазин. Семинар аясында денсаулық сақтау басқармасының, санитарлық-эпидемиологиялық бақылау басқармасының мамандары, гепатологиялық орталықтың инфекционистері және біздің әріптесіміз Әлия Ердібекова— ЖИТС орталығының инфекционист дәрігері: "өңірдегі АИТВ-инфекциясының эпидемиологиясы және АИТВ/ВГС ко-инфекциясы бар науқастарды басқару"тақырыбында баяндама жасады. Іс — шараның негізгі мақсаты-медицина қызметкерлері мен халықтың ауруды ерте анықтау, алдын алу және емдеу тәсілдері туралы хабардарлығын арттыру, сондай-ақ вирустық гепатиттердің таралуын азайту мақсатында ведомствоаралық өзара іс-қимылды дамыту. Соңында денсаулық сақтау басқармасының өкілі Бекназар Нұрмұханов сөз сөйлеп, семинардың маңыздылығын атап өтіп, барлық қатысушылар мен баяндамашыларға алғысын білдірді.

Жетісу облысы денсаулық сақтау басқармасының ШЖҚ «Облыстық АИТВ-ның алдын алу орталығы» МКК өткізген конкурс нәтижесінде халықтың негізгі топтары арасында  (ИЕТ, СҚ, ЕЖЕ) қолдау көрсету мен профилактикалық іс-шараларды жүзеге асыруға бағытталған мемлекеттік әлеуметтік тапсырыстың орындаушысы анықталды.

Астана қаласында 2025 жылы 25 шілде күні медициналық қызметкерлерге  АИТВ инфекциясының диагностикасында преаналитикалық кезеңінің сапасын күшейту мақсатында, қан алудың және экспресс-тестілеу жүргізу ережелері туралы семинар өтті.

Жетісу облысы денсаулық сақтау басқармасы ШЖҚ «Облыстық АИТВ инфекциясының алдын алу орталығы» МКК базасында медициналық орталықтардың жауапты қызметкерлеріне АИТВ-инфекциясына жедел тестілеу жүргізу мәселелері бойынша оқыту семинары-тренингі өткізілді.