Петропавл қаласының жасөспірімдер клубтары спорттық квестте сынға түсті

Маусым 2, 2024

Халықаралық балаларды қорғау күнінде «Тұлпар» жасөспірімдер клубы Петропавл №23 орта мектебінің базасында «Шытырман оқиғалылар» квест-ойынын ұйымдастырды. Іс-шараға облыстық АИТВ инфекциясының профилактикасы жөіндегі орталығының және қаланың жастар ресурстық орталығының қызметкерлері қатысты.

Ойында бес клубтан тұратын командалар бақ сынады. Әр командада-5-6 сыныптардың бес оқушысы қатысты.

Стартта командалар станциялардан өту тәртібімен маршруттық парақ алды.

Станциялар мектеп ауласында орналасқан (футбол алаңы, спорт алаңы, хоккей корты, беседка және т.б.). Балалар әр станцияға кезекпен жүгіріп, тапсырмаларды орындауы керек еді: «жараланғанды» тану, арқанмен секіру, гол соғу және басқалар. Олар үшін командаларға белгілі бір ұпай саны берілді. Көп ұпай жинаған команда жарыстың жеңімпазы атанды.

Сондай-ақ, квесттің негізгі бөлігін өткізгеннен кейін команда өкілдері АИТВ инфекциясының профилактикасы жөніндегі орталығының маманы Оксана Симухина дайындаған экспресс-викторинада күресуге мүмкіндік алды.

«Квест Халықаралық балаларды қорғау күнін мерекелеуге арналған». Іс – шараның басты міндеттерінің бірі – дене шынықтыру мен спортқа және салауатты өмір салтына деген сүйіспеншілікті спорттық формада қалыптастыру», - деп атап өтті Оксана Симухина.

Квест қатысушылары грамоталармен және естелік сыйлықтармен марапатталды.

барлық жаңалықтар »