Әйелдер - алда

Наурыз 6, 2023

Наталья Владимировна Дзисюк - жергілікті алматылық тұрғын. Мектепті бітіріп, Әл-Фараби атындағы Қазақ мемлекеттік Ұлттық университетіне биология факультетіне оқуға түскен. Еңбек жолын М.А.Айтхожин атындағы Молекулалық биология және биохимия ҒЗИ-да бастаған.  Онда 2003 жылы "молекулалық биология" мамандығы бойынша кандидаттық диссертациясын сәтті қорғады.  2004 жылдан бастап республиканың ЖИТС қызметінде жұмыс істейді.  Наталья Владимировна АИТВ-инфекциясын диагностикалаудың молекулалық-генетикалық әдістерімен айналысады, сондай-ақ Қазақстанда АИТВ-инфекциясының молекулалық эпидемиологиясы саласындағы маман болып табылады.

Ол АИТВ-инфекциясымен байланысты әртүрлі ғылыми зерттеулерге белсенді қатысты. Мәселен, Ресейдегі әріптестерімен бірлесіп Қазақстан аумағында жүрген адамның иммун тапшылығы вирусының генетикалық түрлілігін зерттеу бойынша зерттеу жүргізді.  Наталья Владимировна үшін тағы бір маңызды зерттеу АИТВ-ның дәріге төзімділігін зерттеу, жүргізілетін емдеудің тиімділігі, елдегі АИТВ-ның дәріге төзімді штаммдарының таралу деңгейін бағалау болды. Қазір оның ғылыми қызығушылығын АИТВ-инфекциясын зертханалық диагностикалау алгоритмін жетілдіру, ұсынымдарды және үздік әлемдік тәжірибелерді ескере отырып, АИТВ-инфекциясының жұқтыру мерзімін анықтап, емдеу, сондай-ақ АИТВ жұқтырған пациенттер арасында вирустың төзімділігін анықтау бойынша тестілеуді кеңейту сияқты өзекті бағыттар ұсынады.

Джисюк Н. В. - республикалық және халықаралық деңгейдегі ғылыми конференциялардың қатысушысы, 30-дан астам ғылыми жарияланымдардың авторы және тең авторы. Кәсіби деңгейін үнемі арттырып, жинақталған тәжірибесімен ҚР ЖИТС өңірлік орталықтарының мамандарымен бөліседі.

Дзисюк Наталья Владимировна ҚР Денсаулық сақтау министрлігінің Құрмет грамотасымен, 2018 жылы - ҚР ДСМ "Денсаулық сақтау үздігі" төсбелгісімен , 2021 жылы - "ҚР Тәуелсіздігінің 30 жылдығы" мерейтойлық медалімен марапатталған.

барлық жаңалықтар »