III дерматологиялық оқулар

Сәуір 7, 2022

6-7 сәуірде Алматыда гибридті форматта халықаралық сарапшылардың қатысуымен Ж.А.Оразымбетова атындағы дәстүрлі III дерматологиялық оқулар болып өтті.

Іс-шараны ұйымдастырушы - ҚР ДСМ "Қазақ дерматология және инфекциялық аурулар ғылыми орталығы" ШЖҚ РМК "Дерматовенерологтар, дерматокосметологтар және лепрологтар қоғамы" ҚБ және "ҚРМУ" дерматовенерология курсы бар фтизиатрия кафедрасымен бірлесіп өткізді.

Дерматологиялық оқулар – бұл дерматовенерологиялық қызметтің клиницистері, ғалымдар саңлақтарын тәрбиелеген мұғалім, ғалым, профессор, белгілі дерматовенеролог дәрігер Жұмағүл Әбішқызы Оразымбетованы еске алуға арналған жыл сайынғы іс-шара. Іс - шара форматы-дерматовенерология, дерматокосметология және аралас мамандықтар саласында пациенттерге медициналық көмек көрсету кезінде ғылыми қарым-қатынас жасау, пәнаралық өзара іс-қимыл жасау, практикалық тәжірибе алмасу және оларды енгізу үшін тұрақты жұмыс істейтін алаң.

Оқуларға қатысушылардың алдында белгілі практик ғалымдар презентация жасады. Олардың арасында:

М. Бірімжанова - PhD, жоғары санатты дәрігер, ҚДСЖМ директоры.

М. Хобейш - Академик И. Павлов атындағы Бірінші Санкт-Петербург мемлекеттік медицина университетінің гендік-инженерлік биологиялық препараттарды емдеу орталығының жетекшісі.

Г. Тоғызбаев - м.ғ. д., профессор, Қазақ ревматология алқасының президенті, ҚР ДСМ штаттан тыс бас ревматологы.

А.Ракишева - м. ғ. д., С. Д. Асфендияров атындағы "ҚазҰМУ" КЕАҚ фтизиопульмонология кафедрасының профессоры.

М.Рысұлы – м. ғ. д., профессор, Қазақстандық медициналық зертханалық диагностика қауымдастығының президенті.

А. Қасымханова - м.ғ. к., дерматолог, физиотерапевт, VRFOUNDATION (АҚШ) ғылыми-консультативтік кеңесінің мүшесі.

З. Джетписбаева - м.ғ. к., "АМУ" АҚ дерматовенерология кафедрасының профессоры, жоғары санатты дәрігер.

Оқулар шеңберінде "Янссен" компаниясының Сателлиттік симпозиумы өтті , онда псориатикалық артропатияны диагностикалау және емдеу қағидаттары, гендік-инженерлік биологиялық препараттарды қабылдайтын пациенттерде туберкулез инфекциясының скринингі және мониторингі бойынша ұсынымдар және басқа да маңызды аспектілер талқыланды.

Қатысушылардың ерекше қызығушылығын танымал кәсіпқойлардың өзекті тақырыптардағы мастер-класстары тудырды. Олардың арасында:

- "Фототерапия: тиімділік және қауіпсіздік".

- "Андрогенетикалық алопецияны емдеудің заманауи және тиімді тәсілдері".

- "Дерматокосметологиялық мәселелерді шешуде пептидті препараттардың мүмкіндіктері".

– "Витилиго хирургиясы - өткені, бүгіні және болашақ".

- "Варикозды экзема. Созылмалы веноздық жетіспеушілікке арналған сығымдалған трикотаж".

- "Клиникалық тәжірибедегі подологиялық манипуляциялар".

Іс – шарада "Жас ғалымдар 7R09112" секциясы да тиімді жұмыс істеді, оның қатысушылары – ҚДИАҒО және ҚРМУ дерматовенерология кафедрасының 1 және 2 жыл оқыған резиденттері.

барлық жаңалықтар »