Жастар көшбасшыларын дайындау

Сәуір 7, 2022

5-7 сәуірде Алматыда темір жол көлігі және Еуразиялық техникалық-экономикалық колледждерінде ОАОО оқушылары арасында АИТВ-ның алдын алу бойынша жастар көшбасшыларын даярлау бойынша кездесулер өтті.

2025 жылға дейінгі "Жастар Отанға" бағдарламасын іске асыру жөніндегі Жол картасының индикаторын орындау мақсатында, Алматы қаласының ЖИТС орталығы, "AFEW Kazakhstan" қоғамдық қорымен бірлесіп ОАОО оқушылары арасында АИТВ-ның алдын алу бойынша жастар көшбасшыларын даярлауды жүргізеді.

Бұрын дайындалған жоба чемпиондары @dance4life.kz, студенттерді "Тең-теңімен" қағидаты бойынша өз құрдастарына АИТВ-ның алдын алу туралы жастар тілінде, яғни би, музыка, ойын жаттығулары, сурет салу сияқты оқытудың интерактивті әдістерін пайдалана отырып, қалай айтуға үйретеді. Бірақ бұл ретте АИТВ деген не, оның қалай берілетіні, алдын алудың қандай тәсілдері бар, АИТВ-ға тест қайда өту керектігі және тағы басқалары туралы маңызды ақпаратты жеткізу қажет.

Колледждерде ЖИТС орталығының дәрігерлері балаларға АИТВ - инфекциясының алдын алу әдістері туралы айтып берді.Чемпиондар практикалық жаттығулар өткізді:"Қадамдар", "Визитка","Саяхатшылар келісімі","Ғарыштық жылдамдық" және басқалар. Кездесулерге 32 студент қатысты. Барлық қатысушылар процеске белсенді қатысып, болып жатқан оқиғаларға қызығушылық танытты.

Чемпиондар атап өткендей: "өте керемет және, әрине, толқу болды. Балалар белсенді, оларға барлық интерактивтер қатты ұнады, телефонда" отырмады", барлығы тыңдады, жауап берді және белсенді қатысты".

Егер сіз осындай кездесулерді колледжде өткізгіңіз келсе, бізге тікелей хат жазыңыз.

барлық жаңалықтар »