Желтоқсан 2, 2025
Спорт және денсаулық: Ақтөбеде хоккейшілер АИТВ-ға жедел тестілеуден өтті "Олимп" спорт кешенінде Дүниежүзілік ЖИТС-пен күрес күніне орай әуесқой хоккей клубының (ӘХК) қатысушылары үшін АИТВ-ға жедел тестілеу бойынша профилактикалық акция өтті. Іс-шара спортшылардың АИТВ туралы хабардарлығын арттыруға, қауіпсіз мінез-құлық мәдениетін нығайтуға және өз денсаулығына жауапкершілікпен қарауды қалыптастыруға бағытталған.
толығырақ »Желтоқсан 2, 2025
Талғар ауданындағы волейбол жарысы өттіАлматы облысының Талғар қаласындағы Абай атындағы №3 орта мектебінде 9–11 сынып оқушылары арасында аудандық волейбол жарысы өтті. Спортқа қызығушылығы жоғары оқушы қыздарды біріктірген бұл шара аудандық спорттық бастамалардың жарқын оқиғасына айналды.
толығырақ »Желтоқсан 2, 2025
Жастарымыз АИТВ-ға қарсы: диалог, шығармашылық, қолдауҚарағанды облыстық ЖИТС орталығы, «Доверие» ҮЕҰ және Қазақстанның Халық партиясымен бірлесіп жоғары оқу орындары мен колледж студенттеріне арналған жарқын— «ВИЧеринка» шара ұйымдастырды. Акцияның мақсаты — жастардың ВИЧ-инфекцияның алдын алу туралы білімін арттыру және ВИЧ-пен өмір сүретін адамдарға толерантты көзқарас қалыптастыру.
толығырақ »Желтоқсан 1, 2025
Жасөспірімдердің денсаулығы – ұлттың болашағы2025 жылдың 24-28 қарашасы аралығында Дүниежүзілік ЖИТС-ке қарсы күрес күні науқаны аясында Шымкент политехникалық колледжінде «Жастар денсаулығы – ұлт болашағы!» апталығы өтті. Апталық барысында бірінші курс студенттері «АИТВ-ға қарсы күрестегі қиындықтардан трансформацияға дейін» тақырыбында өткізілген дәрістер мен тренингтерге қатысты.
Іс-шара барысында ЖИТС-тің алдын алу және оған қарсы күрес жөніндегі орталығының мамандары М.Г. Моисеева, Д.Ж. Кутмамбетова және Д.А. Ибайдуллаева АИТВ және жыныстық жолмен берілетін инфекцияларды алдын алу, АИТВ-мен өмір сүретін адамдарға қатысты стигма мен кемсітушілікті, салауатты өмір салтын және жас ұрпақ үшін моральдық-этикалық және жыныстық тәрбиенің маңыздылығын талқылады.
Дәрістер барысында студенттердің сұрақтарына жауап берілді, бейнероликтер көрсетілді, сауалнамалар мен интерактивті ойындар өткізілді. Іс-шараның мақсаты балаларға ақпарат пен білімді дұрыс пайдалана білудің және жауапкершіліктің қаншалықты маңызды екенін көрсету.
Кездесу барысында М.Моисеева: «Әрбір адамның денсаулығы – бақуатты өмірдің негізі. Болашақ ұрпақтың денсаулығы мен өмір сүру сапасы жастардың денсаулығына байланысты. Сіздер, жас ұрпақ өкілдері ретінде, еліміздің демографиялық және интеллектуалдық әлеуеті болып табыласыздар, ал біздің болашағымыз сіздердің денсаулығыңызға байланысты», - деп жастарды салауатты өмір сүруге талпындырды.
Студенттер өз кезегінде АИТВ-ның алдын алу мәселелерін шешу бойынша өз пікірлері мен көзқарастарын білдірді.
351-топтың бірінші курс студенті Айқын: «Бүгін бізде АИТВ, жыныстық жолмен берілетін инфекциялар және АИТВ-мен өмір сүретін адамдарға қатысты стигма мен кемсітушіліктің алдын алу туралы дәріс болды. Дәріс өте танымды және маңызды болды. ЖИТС орталығының маманы материалды өте анық түсіндірді, нақты мысалдар келтірді және біздің барлық сұрақтарымызға ешқандай сын айтпай жауап берді, біздей жастарға уақтылы берген кеңестері үшін ризашылығымды білдіремін» - деді.
952-топтың бірінші курс студенті Максим: «Дәрістер өте пайдалы, ақпараттар қолжетімді және түсінікті болды. Маман АИТВ және жыныстық жолмен берілетін инфекциялар жайында мәліметтер беріп, денсаулыққа қамқорлықпен және жауапкершілікпен қараудың маңыздылығы туралы сұрақтарға жауап берді. Нәтижесі біз күтпеген өте қызықты ойындар ойналды. Ақпарат үшін рақмет».
толығырақ »Желтоқсан 1, 2025
Көкшетауда ЖИТС-пен күрес күніне арналған іс-шара өттіАқмола облысында Дүниежүзілік ЖИТС-пен күрес күніне арналған іс-шаралар циклі аяқталуда.
Ақпараттық науқанның шарықтау шегі 2025 жылдың 1 желтоқсанында Көкшетау мәдениет сарайында облыс орталығынан шамамен 600 мектеп оқушысын, колледж студенттерін және жоғары оқу орындарының студенттерін жинаған дәстүрлі жастар іс-шарасы болды.
ЖИТС-пен күрестің басты символы - қызыл лента, бұл күні қатысушылардың көпшілігінің киімдерін безендірді. Жастар ресми бағдарлама басталмай тұрып-ақ іс-шараға белсенді қатысты: кейбіреулері импровизацияланған «қолдау жүрегіне» АИТВ-мен өмір сүретін адамдарға жылы сөздер мен тілектер қалдырды, ал басқалары ақпараттық материалдарды зерттеп, бір-бірімен АИТВ-инфекциясы туралы маңызды фактілерді талқылады.
Сарай фойесінде кез келген адам өзінің мәртебесін білу үшін АИТВ-ға жедел тест тапсыра алды. Бұл мүмкіндікті 30-дан астам адам пайдаланды.
Іс-шараның негізгі бөлігі концерттік қойылымдар мен АИТВ туралы ақпараттық бөлімнен тұрды. Орталықтың бас дәрігерінің орынбасары- Курманбек Бурмаганов құттықтау сөз сөйледі. Ол жастарға белсенділіктері үшін алғыс айтып, стереотиптермен күресудің маңыздылығын атап өтті және мұндай іс-шаралар өз денсаулығына жауапкершілікпен қарауды қалыптастыруға көмектесетінін атап өтті.
Айта кетсек, акцияға "KOKSHE" телеарнасының редакторы - Сания Идрисова, Астрахан ауданының АИТВ-инфекциясы бойынша жауапты дәрігері - Анастасия Афанасьева, "Panacea Clinic" ЖШС жастар денсаулық орталығы, атындағы азаматтық қорғау академиясы, "Арман" балалар-жасөспірімдер шығармашылығы орталығы және облыстық психикалық денсаулық орталығының әлеуметтік оңалту бөлімшесі алғыс хаттармен марапатталды.
Естеріңізге сала кетейік, 10 қараша мен 10 желтоқсан аралығында өңірде Дүниежүзілік ЖИТС-пен күрес күніне арналған айлық өтуде. Оның негізгі мақсаты-халықтың назарын АИТВ-инфекциясының таралу проблемасына аудару, хабардарлық деңгейін арттыру және өз денсаулығына жауапкершілікпен қарау мәдениетін нығайту.
толығырақ »Желтоқсан 1, 2025
Қазақстан дәрігерлері АИТВ-инфекциясын емдеудің тиімділігін арттырудаБүгінгі таңда елде антиретровирустық терапияны қабылдап жүрген АИТВ-пен өмір сүретін адамдардың 93 пайыздан астамында вирус жүктемесі төмендетілген. Бұл — мемлекеттік, халықаралық және үкіметтік емес ұйымдардың бірлескен жұмысының негізгі нәтижелерінің бірі, 1 желтоқсан — Дүниежүзілік АИТВ-ке қарсы күрес күніне орай ЮНЭЙДС ұранымен «Қиындықтардан – өзгерістерге: АИТВ-ға жауап» науқаны аясында қорытындыланған.
Елде АИТВ-инфекциясы бойынша алдын алу, тестілеу, емдеу және күтім шараларын қамтамасыз етуге бағытталған ЮНЭЙДС 95-95-95 стратегиясы жүзеге асырылуда. Бүгінгі күні АИТВ-пен өмір сүретін адамдардың 85 пайызы өз мәртебесін біледі; олардың 92 пайызы антиретровирустық терапияны қабылдайды, ал 93 пайызының вирус жүктемесі төмендетілген.
Қазақстанда «Б=Ж» принципі қолданылады: «Беймәлім = жұқтырмайды». Осы принципке сәйкес, антиретровирустық терапияны қабылдайтын және вирус жүктемесі төмендетілген АИТВ-пен өмір сүретін адам өзінің жыныстық серігіне вирус тарата алмайды. Бұл тұжырым әлемдік ғылыми зерттеулермен толық расталған.
— Биыл Қазақстан Республикасы Денсаулық сақтау министрлігі АИТВ-инфекциясы кезінде медициналық көмек көрсету стандартыны бекітті. Құжат АИТВ-пен өмір сүретін адамдарға медициналық қызметтердің сапасы, қолжетімділігі мен үздіксіздігін арттыруға, сондай-ақ алдын алу шараларын жетілдіруге бағытталған. ҚР-де ДДСҰ ұсынған 12 профилактикалық бағдарлама бағыттарының барлығы енгізілген. Алдын алу стратегиясындағы негізгі инновация – контактіге дейінгі профилактиканы енгізу. Бүгінгі күні оны 13 мыңнан астам адам қабылдауда, — Роза Қуанышбекова дейді ҚР ДСМ Дерматология және инфекциялық аурулар ғылыми орталығының директоры.
Антиретровирустық терапия (АРТ) де қолжетімді болып отыр: диагноз қойылғаннан кейін науқастарға дереу тағайындалып, тегін беріледі. Пациенттердің 90 пайызы антиретровирустық терапияның құрамына долутегравир кіретін схемаларды қабылдайды, оны ДДСҰ АРТ-ның бірінші қатарлы препараты ретінде ұсынады. Бұл препарат вирус жүктемесін тез және тұрақты төмендетуге мүмкіндік береді. Күнделікті бір таблетка қабылдау науқастардың терапияға адалдығын арттырады.
Алдағы жылдардағы оптимистік болжамдардың бірі — 2026 жылы ұлттық бағдарламаларға АИТВ-пен өмір сүретін адамдарға инъекциялық препараттарға қолжетімділікті қамтамасыз ету: инновациялық ленакапавир енгізу. ДДСҰ ленакапавирді «вакцинаға ең жақын» деп атайды, себебі жоғары тиімділігі және жылына екі ғана инъекциясы арқылы жаңа инфекция деңгейін радикалды түрде төмендетіп, алдын алу құрал ретінде қызмет ете алады.
Соңғы жеті жылда Қазақстанда қабылданған шаралардың нәтижесінде АИТВ-тан өлім-жітім, халыққа шаққандағы сырқаттану деңгейі, сондай-ақ үш жұғу жолынан екеуі — парентеральдық (қан арқылы, инъекциялық есірткі қолданғанда) және вертикальдық (анадан балаға) төмендеу байқалады.
Қолданылып жатқан қарсыэпидемиялық шаралардың нәтижесінде Қазақстан 15–49 жас аралығындағы халық арасында АИТВ-инфекциясының таралу деңгейі 0,3 пайыз болатын шоғырланған сатыда орналасқан, әлемдік орташа көрсеткіш – 0,7 пайыз.
2 желтоқсанда Алматыда «АИТВ: кеше, бүгін, ертең» атты халықаралық ғылыми-тәжірибелік конференция өтеді, онда қатысушылар АИТВ-ны алдын алу мен емдеудегі жетістіктер, қиындықтар және инновацияларды талқылайды.
толығырақ » 
