Обычная версия сайта
Qazaqstan Respýblıkasy,
Almaty q, Raıymbek d-ly,60
+7 (727) 39742 23 Qabyldaý bólimi
+7 (727) 39742 17 Tirkeý orny
+7 (727) 39742 06 Senim telefony
1414 Бірыңғай байланыс орталығы
Наурыз 11, 2024
11 наурызда Алматыда ұлттық серіктестерді, халықаралық ұйымдар мен қоғамдастықтардың өкілдерін шақыра отырып, БҰҰ-ның АИТВ/ЖИТС бойынша Біріккен тобының кеңейтілген отырысы болып өтті.
ҚДИАҒО бастамасы бойынша қатысушылар 2024-2025 жылдары Қазақстанда жүзеге асырылып жатқан АИТВ-инфекциясының алдын алу жобаларын талқылады.
ҚДИАҒО директоры Б. Байсеркин кеңесті аша отырып, былай деді:
- Халықаралық және үкіметтік емес ұйымдар жүзеге асыратын жобалар туралы білу үшін мұндай кездесулерді тоқсанына бір рет өткізуді жоспарлап отырмыз. БҰҰ-ның 95-95-95 мақсаттарына қол жеткізуге әсер ететін қызмет барысын және жекелеген бағыттардың күшеюін қадағалау маңызды.
Қатысушылар UBRAF механизмімен және БҰҰ агенттіктерінің - ЮНФПА, ЮНЕСКО, ЮНИСЕФ, ЮНОДС және БҰҰДБ, ЕҮК Хатшылығы, сондай-ақ ПЕПФАР, ICAP, САPLА 2024-2025 жылдарға арналған жоспарларымен танысты.
ҮЕҰ өкілдерінің тұсаукесерлерінен қатысушылар АИТВ-мен ауыратын әйелдерге арналған менторлық бағдарламамен, тең құқықтар мен мүмкіндіктерді қамтамасыз етумен, жастармен жұмыс істеумен, мигранттар арасында профилактика моделімен және басқалармен байланысты жобаларды іске асыру туралы біліп қайтты.
Талқыланатын басым бағыттардың қатарына АИТВ - ға тестілеу, Н=Н науқаны, ЖДП, АӨА стигма мен кемсітуге қарсы тұру жатады.