PEPFAR-ға - 20 жыл!

Қараша 17, 2023

PEPFAR 20 жылдығын атап өтпек. PEPFAR - АҚШ Президентінің ЖИТС-қа қарсы төтенше жоспары, ол алғаш рет 2003 жылы жарияланған.

Осы жылдар ішінде Жоспардың арқасында әлемдегі АИТВ-ға қарсы іс-қимыл саласындағы жағдайды айтарлықтай өзгертуге мүмкіндік туды. 2003 жылдан бастап АҚШ үкіметі Pepfar бағдарламасы арқылы Қазақстанның АИТВ-мен күресін қолдау үшін 50 миллион АҚШ долларын инвестициялады.
Соңғы 20 жылда Рepfar қолдауымен инновациялардың арқасында елімізде АИТВ-ға алғашқы эпидемиологиялық қадағалау (2002 ж), ҚР-да АИТВ жағдайларын жүргізудің алғашқы электрондық жүйесін әзірлеу (2010), өзін-өзі тексеру (2018), және байланысқа дейінгі профилактика (2021) пайда болды. Бүгінгі таңда Ауруларды бақылау және алдын алу орталықтары (CDC) және АҚШ-тың Халықаралық даму агенттігі (USAID) Павлодар және Шығыс Қазақстан облыстарында АИТВ бойынша Рepfar қаржыландыратын бағдарламаларды қолдауда.
- Осы жылдар ішінде АИТВ-мен өмір сүретін адамдарды антиретровирустық терапиямен қамтамасыз ету түбегейлі жақсарды, ол дәрілерге диагноз қойылғаннан кейін бірден қол жеткізуге болады. Тестілеудің әртүрлі нысандары енгізілді. Жүргізіліп жатқан эпидемияға қарсы іс-шаралардың нәтижесінде Қазақстан АИТВ індетінің шоғырланған сатысында тұр (орташа 1,1% әлемдік көрсеткіште халықтың 0,2% - ы). БҰҰ-ның 2021 жылғы Саяси декларациясының мақсатын және ЮНЭЙДС-тің 95-95-95 мақсаттарын орындау шеңберінде Қазақстанда АИТВ-мен өмір сүретін адамдардың 87 пайызы өздерінің АИТВ - мәртебесі туралы біледі, оның 87 пайызы АРТ қабылдайды, 89 пайызында вирустық жүктемені төмендейтін болады - деп кездесуде барысында ҚДИАҒО директорының орынбасары А.Әбішев атап өтті.
Мемлекеттік, халықаралық, үкіметтік емес ұйымдардың өкілдерімен кездесуді Қазақстандағы USAID өкілдігі ұйымдастырды. Қатысушылар бірауыздан жетістіктер бірлескен тиімді қызметтің нәтижесі болғанын атап өтті. Өткен жылдың өзінде елімізде халықтың негізгі топтарымен жұмыс істейтін ҮЕҰ саны 5-тен 14-ке дейін өсті.
АҚШ-тың Алматыдағы Бас консулы Мишель Еркин мен USAID Орталық Азия елдері бойынша өңірлік директоры Луис Ривьера қазақстандықтарды жылы қарсы алып, бірлескен ынтымақтастық, АИТВ-ға қарсы іс-қимыл бойынша табыстары үшін алғыстарын білдірді, сондай-ақ алғыс сертификаттарын табыс етті.

барлық жаңалықтар »