Апиын агонистерімен қолдаушы терапиясы (ААҚТ) мультидисциплинарлық командаларына арналған тренинг

Маусым 24, 2023

16-24 маусым аралығында Шымкентте ААҚТ мультидисциплинарлық командаларының 70 мүшесіне арналған тренинг болып өтті.

Қатысушылар арасында дәрігерлер, психиатр-наркологтар, медициналық психологтар және медбикелер бар. Тренингтің тақырыбы - "Кешенді медициналық және әлеуметтік қызметтерді ұсыну бойынша, оның ішінде АРТ-ға бейілділікті қолдау бойынша ААҚТ-ның көпсалалы топтарының әлеуетін арттыру ".

Іс-шараны ҚР ДСМ "Республикалық психикалық денсаулық ғылыми-практикалық орталығы" ШЖҚ РМК ЖИТС, туберкулез және безгекпен күреске арналған Жаһандық қор грантының іс-шараларын іске асыру шеңберінде ұйымдастырды. Тренингті халықаралық жаттықтырушы, профессор, медицина ғылымдарының докторы, жоғары санатты нарколог, басқарма басшысы, Украинаның Қоғамдық денсаулық сақтау саясаты институтының негізін қалаушы және аға ғылыми қызметкері С. Дворяк өткізді.

Тренингтің міндеттері: қатысушыларды ААҚТ бағдарламасына енгізілген АИТВ-мен өмір сүретін адамдарда АРТ-ға бейілділікті қоса алғанда, кешенді медициналық-әлеуметтік көмек көрсетуге үйрету; ғылыми негізделген сапалы медициналық көмек көрсету, сондай-ақ апиындарға тәуелділік синдромы бар апиындарды қолдану нәтижесінде психикалық және мінез-құлық бұзылыстарынан зардап шегетін адамдарға медициналық көмектің қолжетімділігі.

барлық жаңалықтар »