2024-2026 жылдарға арналған ЖҚ гранттық өтінімін талқылау

Наурыз 15, 2023

15 наурыз күні Алматыда мемлекеттік ( ҚДИАҒО, ЖИТС өңірлік орталықтары) , халықаралық, үкіметтік емес қоғамдық ұйымдардың қызметкерлері, ЕҮК мүшелері, негізгі топтардың өкілдері ҚР-дан 2024-2026 жылдарға арналған ЖИТС, туберкулез және безгекпен күрес жөніндегі Жаһандық қорға арналған гранттық өтінімді талқылады.

Кеңес жұмысына халықаралық консультанттар, ЖҚ сарапшылары Татьяна Дешко және Екатерина Бойко қатысты.

Гранттық өтінім АИТВ-ға қарсы күресте денсаулық сақтау жүйесін нығайту және ұлттық ресурстарды жұмылдыру мақсатында эпидемиологиялық жағдайды жақсарту үшін мемлекеттік қаржыландыруға қосымша болып табылады.

Елдің ЮНЭЙДС 95-95-95 мақсаттарына жетуді негізге ала отырып :
- АИТВ-мен өмір сүретін адамдардың 87 пайызы өздерінің мәртебесін біледі,
- Олардың 84 пайызы АРТ қабылдайды,
- 87 пайызында вирустық жүктеме төмендейді,
алдағы жылдары алғашқы екі 95-ті орындауға назар аударылады.

Нәтижелерге қол жеткізу үшін мынадай шараларды іске асыру ұсынылады:
- АИТВ-ның алдын алу мен тестілеуге стратегиялық тәсілді күшейту,
- негізгі топтар үшін алдын алудың аралас әдістеріне көзқарасты жақсарту ( байланысқа дейінгі профилактиканы ұсынудың әртүрлі тәсілдерін масштабтау және енгізу),
- әлеуметтік желілерді пайдалана отырып, медициналық мекемелерде АИТВ-ға тестілеу, өзін-өзі тестілеу, индекстеу бойынша араласу стратегиясын кеңейту,
- бейілділіті күшейту үшін АӨА күтім жасау, қолдау және емдеу қызметтерімен байланысты нығайту,
- АИТВ-ны емдеудің ұлттық хаттамаларын ДДҰ-ның соңғы ұсыныстарына сәйкес келтіру.

Қатысушылар өтінімді толықтыру үшін ұсыныстар енгізді. Олардың ішінде халықтың негізгі топтары үшін сілекей тесттерін сатып алуды ұлғайту, АИТВ-мен ауыратын мигранттарды емдеуді жақсарту, аутрич қызметкерлеріне сараланған төлемді енгізу, ПТАО кабинеттерінің дәрігерлерін оқыту және тағы басқалары. Қатысушылардың пікірінше, осы және басқа да ресурстарды іске асыру болашақ гранттың тиімділігіне көмектеседі.

барлық жаңалықтар »