Обычная версия сайта
Qazaqstan Respýblıkasy,
Almaty q, Raıymbek d-ly,60
+7 (727) 39742 23 Qabyldaý bólimi
+7 (727) 39742 17 Tirkeý orny
+7 (727) 39742 06 Senim telefony
1414 Бірыңғай байланыс орталығы
Қантар 19, 2018
Қазақстанда соңғы он жылда АИТВ-инфекциясына тестілеумен қамту екі жарым есеге артты. Егер 2006 жылы тестті 1, 2 миллион қазақстандық тапсырса, 2017 жылғы қорытындылар бойынша ол көрсеткіш 2,9 миллионды құрады.
- АИТВ-инфекциясы шоғырланған және таралатын тұрғындардың топтары арасындағы тестілеумен қамту жыл сайын артып келеді. Олар - инъекциялық есірткі тұтынушы адамдар, секс жұмысшылары, еркектермен жыныстық қатынасқа түсетін еркектер. Өңірлік ЖИТС орталықтарының зертханаларының сапалы, сенімді тестілеуді жүргізуі үшін ең жаңа, заманауи құрылғылармен жабдықталған, - дейді ЖИТС РО бас директоры Бауыржан Байсеркин.
Халықтың осал топтарының тестілеуден өтуге қолжетімділігін кеңейту мақсатында халықаралық ұсынымдарға сәйкес ЖИТС-тың алдын алу және оған қарсы күрес жөніндегі республикалық орталығының бастамасы бойынша АИТВ-инфекциясына жедел-тестілеуді үкіметтік емес ұйымдарда енгізіле бастады.
Қазақстан Республикасының азаматтары үшін АИТВ-инфекциясына тестілеуден өту өңірлік ЖИТС орталықтарында ерікті және тегін түрде жүргізіледі. Заңнамалық актілерге сәйкес жүкті әйелдер, донорлар, сотталғандар міндетті тәртіпте тестілеуден өтеді. Жүкті әйелдер АИТВ-инфекциясына екі рет тексеріледі: әйелдер консультациясына есепке тұрған кезде және жүктіліктің 28-30 апталық мерзімі болған кезде. Бұл барлық шаралар АИТВ-инфекциясын уақытылы анықтауға, консультация жүргізуді және қажеттілігі бойынша антиретровирустық препараттармен (АРТ) емдеуді қоса алғанда алдын алу шараларының кешенін іске асыруға мүмкіндік береді.
Мұндай іс-шараларды орындаудың нәтижесі ретінде ЖИТС қызметінің бірқатар маңызды көрсеткіштерінің сапалы түрде жақсаруы көрінді, олардың ішінде: ЖИТС-тен болатын өлім-жітімнің азаюы, АИТВ жұқтырған аналардан туылған дені сау балалардың санының 99 пайызға дейін артуы, сондай-ақ, АИТВ-мен өмір сүретін адамдарды АРВ-препараттармен емдеуді қамтудың артуы. Осыған байланысты, АИТВ-мен өмір сүретін адамдардың өмір сүру сапасы да артып келеді, ол жағдай еңбек ұжымдарында табысты жұмыс істеуге және өзінің денсаулығына жауапкершілікпен қарауға мүмкіндік береді.
ЖИТС РО баспасөз қызметі
Байланысушы тұлға: Марина Максимова 87772254601