АИТВ инфекциясын бойынша облыстық семинар өтті

Маусым 4, 2025

Жамбыл облыстық ЖИТС орталығының мәжіліс залында «АИТВ инфекциясының кеш анықталу жағдайларын зерттеп-қарау тәртібі. АИТВ-инфекциясының бар болуына биоматериал алу ережесі» атты облыстық семинар өткізілді.

Іс-шараға Жамбыл облыстық ЖИТС орталығының мамандары, сондай-ақ облыстық, қалалық және аудандық емдеу-алдын алу ұйымдарының емдеу ісі жөніндегі орынбасарлары, жалпы тәжірибелік дәрігер меңгерушілері мен ЖИТС бойынша жауапты медицина қызметкерлері қатысты.

Семинарды бас дәрігердің ұйымдастыру-әдістемелік және эпидемияға қарсы жұмыс жөніндегі орынбасары Г.Қалметова ашып, қатысушыларды семинардың мақсат-міндеттерімен таныстырды.

АИТВ-инфекциясын эпидемиологиялық қадағалау бөлімінің меңгерушісі м.а. Г.Ахметова облыста жүргізіліп жатқан эпидемиологиялық зерттеулер туралы баяндап, АИТВ-ның алдын алу бағытындағы шаралардың тиімділігіне тоқталды.

Сонымен қатар, емдеу-алдын алу көмек бөлімінің меңгерушісі Ф.Ниязалиева мен клинико-диагностикалық зертханасының меңгерушісі В.Каримова қатысушыларға өз бағыттары бойынша тәжірибелік және әдістемелік ақпарат ұсынды.

Семинардың басты мақсаты – мамандардың кәсіби білімін арттырып, АИТВ инфекциясын ерте анықтау, дұрыс диагностикалау және сапалы зерттеу жүргізу мәселелері бойынша тәжірибе алмасу.

АИТВ-ның таралуын болдырмау – әрбір медицина қызметкерінің кәсіби жауапкершілігі. Ерте анықтау – тиімді ем мен қауіпсіз болашақтың кепілі!

барлық жаңалықтар »