Маңғыстау облысындағы дәрігерлерге арналған семинар

Қазан 1, 2024

Маңғыстау облыстық АИТВ-инфекциясының алдын алу орталығында «АИТВ-инфекциясының бар-жоғын клиникалық көрсеткіштер арқылы тексеру» тақырыбында облыстық семинар өтті.

Өңірлік семинардың ашылуында Маңғыстау облыстық денсаулық сақтау басқармасы басшысының орынбасары Бибизада Дүйсенбаева мен облыстық АИТВ-инфекциясының алдын алу орталығы директорының міндетін атқарушы Ғалымжан Абраев сөз сөйледі.

Семинарға аудандар мен Жаңаөзен қаласындағы басқа да алғашқы медициналық-санитарлық көмек көрсету орталықтары онлайн қосылып, семинарға қатысты.

АИТВ-инфекциясының алдын алу және эпидемиологиялық бақылау басқармасының басшысы Зарина Берқалиева «2024 жылдың 8 айындағы Қазақстан Республикасы мен Маңғыстау облысындағы АИТВ-инфекциясының эпидемиологиялық жағдайы» тақырыбында баяндама жасады. Оның айтуынша, жыл басынан бері сегіз айдың ішінде Маңғыстау облысында 47 адам ВИЧ індетін жұқтырған.

Орталықтың дәрігер-эпидемиологы Набат Сүгірова «Нормативтік құқықтық актілерге шолу» жасады.

Облыстық семинарға барлығы 30-ға жуық маман қатысты. Олар тиісті сұрақтарын қойып, білікті мамандардан толық жауаптар алды.

- Бүгін мен өзекті тақырып бойынша облыстық семинарға қатыстым. Мен құнды және маңызды ақпарат алдым. Баяндамашылар материалды өте анық жеткізді. Облыстық АИТВ-ның алдын алу орталығының мамандары ұйымдастыратын семинар-тренингтерден үнемі қалмауға тырысамын.

Өйткені тәжірибелі дәрігерлер сабақ береді. Бұл семинар мазмұнды болды. Осылайша, өзекті тақырыптар бойынша лекциялар өткізілсе, біз оларға қуана қатысамыз», - дейді эпидемиолог Анжелика Евстратова.

барлық жаңалықтар »