АИТВ-ға тестілеу жөніндегі өңірлік кеңеске қатысу

Ақпан 14, 2023

13-14 ақпанда Женева қаласында өткен ШЕОА елдерінде АИТВ-ға тестілеуді жақсарту үдерістерін жеделдетуге арналған өңірлік кеңеске ҚДИАҒО мамандары қатысты.

АИТВ-ға тестілеу Шығыс Еуропа мен Орталық Азия елдерінде ЮНЭЙДС 95-95-95 Стратегиясының бірінші мақсатын орындау үшін басым міндет болып табылады. Өз мәртебесін білетін адамдардың санын арттыру үшін елдер ДДҰ ұсынымдарына сәйкес АИТВ-ға тестілеу стратегияларын ұсынуы керек, атап айтқанда, осал топтардағы адамдардың АИТВ-ға тестілеу қызметтеріне қол жетімділігін арттыру:

- АӨА жыныстық және инъекциялық серіктестерін индекстік тестілеу,

- өзін-өзі тексеру,

- қызметтерді орталықсыздандыру.

Бұл АИТВ-ның жаңа жағдайларын анықтауға және АӨА уақтылы емдеуге мүмкіндік береді.

Кеңес шеңберінде ДДҰ тестілеу стратегиясына көшкен елдер әріптестерін АИТВ диагностикасының жаңа алгоритмдеріне көшу тәжірибесімен, экспресс-тестілеуді кеңейтумен таныстырды, сондай-ақ осы іс-шараларды енгізу кезіндегі нәтижелерімен және қиындықтарымен бөлісті.

барлық жаңалықтар »