ЮНЭЙДСтің ЖИТС туралы Жаһандық есебінің аймақтық тұсаукесері 2022

Қазан 27, 2022

27 қазанда Алматыда мемлекеттік, халықаралық және үкіметтік емес қоғамдық ұйымдар өкілдерінің қатысуымен ЮНЭЙДС-тің 2022 жылғы "Қауіп төніп тұр" атты ЖИТС бойынша Жаһандық баяндамасының өңірлік тұсаукесері болып өтті.

ЖИТС бойынша Жаһандық баяндама - БҰҰ-ның АИТВ/ЖИТС бойынша Біріккен бағдарламасының жыл сайынғы басты жарияланымы, ол әлемдегі, аймақтардағы және елдердегі ЖИТС індетінің жай-күйі туралы соңғы ақпаратты ұсынады. Ол эпидемияға қарсы іс-қимылдың соңғы тәжірибелері мен тәсілдерін талдайды, сонымен қатар үкіметтер, халықаралық ұйымдар және азаматтық қоғам үшін осы саладағы стратегиялық міндеттерді анықтайды.

ЮНЭЙДС Жаһандық баяндамасының презентациясының модераторы болып ҚДИАҒО директоры Асылхан Абишев сөз сөйледі. Қатысушылар баяндаманың тұсаукесері қиын қыстау жағдайда өтіп жатқандығын, өңірдегі гуманитарлық, көші-қон және экономикалық дағдарыстың куәсі болып отырғандықтарын атап өтті. Бүгінде біз гуманитарлық және экономикалық дағдарыс біздің өңірдегі АИТВ-ға қарсы іс-қимылдағы шағын жетістіктерге кері әсер етпеуі үшін қазір не істей аламыз деген сұраққа жауап беруге тырысуымыз керек.

ҚР ДСМ Медициналық көмекті ұйымдастыру департаментінің директоры А. Дүйсенов алғы сөзінде: "Қазақстанда АРВ-терапияның қолжетімділігін арттыру нәтижесінде АИТВ-мен өмір сүретін адамдардың ЖИТС-тен болатын өлім-жітім көрсеткішін 2 есеге төмендету үрдісі байқалады: 2011 жылы 1000 АӨА-ға шаққанда 16-дан 2021 жылы 8-ге дейін болды, бұл ЖИТС-пен ауыратындардың өлім-жітімін 2 есеге азайтуға, АИТВ-мен өмір сүретін адамдардың өмір сүру ұзақтығы мен сапасын жақсартуға септігін тигізеді. Бүгінгі таңда Қазақстан Республикасы халықтың негізгі топтарының әртүрлі қажеттіліктеріне жауап беретін АИТВ - ның аралас профилактикасына жаңа тәсілдерді әзірлеуде және енгізуде: елде қызметтердің кешенді пакеті (консультация беру, тестілеу, антиретровирустық терапияны ұсыну, байланысқа дейінгі және кейінгі профилактика және т .б.) ұсынылады. АИТВ-ның алдын алу қызметтері, оның ішінде байланысқа дейінгі және байланыстан кейінгі профилактикасы да мемлекеттік бюджет есебінен қаржыландырылатынын атап өтуге болады.

Халықтың негізгі топтары арасында АИТВ-ның алдын алуда жетістікке жету мемлекеттік әлеуметтік тапсырыс жүйесі арқылы ЖИТС-сервистік үкіметтік емес ұйымдарды тартпаса қиын болатынын түсінеміз. АИТВ-инфекциясының алдын алу саласында барлығы 43 үкіметтік емес ұйым жұмыс істейді. Халықтың негізгі топтарының өкілдері бағдарламалар мен материалдарды әзірлеуге, жобаларды іске асыруға қатысу үшін шақырылады.

2021 жылғы жағдай бойынша Шығыс Еуропа мен Орталық Азия аймағында АИТВ-мен өмір сүретін адамдардың 63% - ы АИТВ-ның оң мәртебесін білді, олардың мәртебесін білетін адамдардың 81% - ы емделді (АИТВ-мен өмір сүретін адамдардың 51% - ы) және емделетін адамдардың 94% - ы вирустық супрессияға қол жеткізді (барлық АӨА-нің 48%).

"Дамып келе жатқан гуманитарлық, көші-қон және экономикалық дағдарыстар аймақтың барлық елдерінде АИТВ-ға қарсы іс-қимылдардағы прогреске кері әсер етуі мүмкін. Елдердің күш — жігерін шоғырландыру және аймақты халықаралық қоғамдастық қолдауы қажет", - деді ЮНЭЙДС Атқарушы Директорының орынбасары, Шығыс Еуропа және Орталық Азия елдерінің аймақтық директоры Эмонн Мерфи.

Қазақстанда ЖИТС бойынша бағдарламаларды қаржыландырудың 90% - ға жуығы мемлекеттік бюджеттен жүзеге асырылады. Еліміз АИТВ індетін бақылауда ұстай алады, алайда алдан шығатын сын-қатерлер денсаулық сақтау жүйесінің жағдайдың нашарлауына қарсы тұруға дайындығын күшейтетін болады.

ЮНЭЙДС баяндамасының тұсаукесерінде сөйлегендердің арасында үкіметтік емес сектор өкілдері бар. Олардың ішінде А. Шайкежанов - AmanBol жобасының директоры, В. Примак - транс белсенді, Б. Исраилова - Қырғызстаннан АИТВ-мен өмір сүретін әйелдердің елдік желісінің басшысы.

"Соңғы екі жылда үкіметтік емес ұйымдар мен қоғамдастық ұйымдары жаңа сын-тегеуріндерге жедел бейімделу, дағдарыс жағдайларындағы міндеттерді тез шешу және адамдарды АИТВ-ға байланысты қажетті қызметтермен қамтамасыз ету қабілеттерін дәлелдеді. Біз негізгі топтарға қызмет көрсету бойынша барлық жұмысты өз мойнымызға алуға дайынбыз - бізде адамдар, тәжірибе, білім және нақты не және қалай істеу керектігін түсіну бар. Бізге осы көмекті жасауға мүмкіндікті беріңіз!"- деп АИТВ-мен өмір сүретін адамдардың Орталық Азия қауымдастығының жетекшісі Нұрәлі Аманжолов атап айтты.

барлық жаңалықтар »