Жамбыл облысында 90 балаға ҚДИАҒО дәрігерлерінің көмегі көрсетілді

Маусым 28, 2022

"17 өңір дерматовенерологтары, дерматокосметологтары және лепрологтары" атты XII өңірлік ғылыми - білім беру форумын өткізу барысында ҚДИАҒО қызметкерлері ең жас пациенттерге көмек көрсету үшін Меркі ауданының орталық аудандық ауруханасына барды.

Акция елімізде жарияланған бала жылы мен Дүниежүзілік витилиго күніне орайластырылған.

Ауруханаға облыстың барлық аймақтарынан псориаз, атопиялық және себореялық дерматит, дискератоз ауыр түрлерімен балалар келді. Ерекше күрделі жағдай - 13 жастағы қыздағы пигментті ксеродерма мен нейрофиброматоздың генетикалық ауруы. Мұнда бүкіл консилиум қажет болды. Жас пациенттердің жасы үш айдан 16 жасқа дейін.

Құрамында С.Оспанова, З. Суханбердиева, А. Искакова, А. Маркабаева, А. Жабыканова, А. Манамбаева бар дәрігерлік құрам 90 баланы қабылдап, ем шара жасады.

- Амбулаториялық қабылдау барысында біз қазіргі заманғы сыртқы терапияның емдік препараттарын тараттық. Ал аурудың күрделі ағымы бар бес бала емдеудің тиімді тактикасын жасау үшін ҚДИАҒО-ға шақырылды, - деп атап өтті ҚДИАҒО-ның дипломнан кейінгі білім беру бөлімінің меңгерушісі С.Оспанова.

барлық жаңалықтар »