АИТВ-инфекциясының алдын алу мәселелері бойынша Семинар

Ақпан 26, 2021

АИТВ-инфекциясының алдын алу мәселелері бойынша Семинар

2021 жылғы 24 ақпанда Теміртау қаласы бойынша ЖИТС ОО бөлімінде ЕАҰ басшыларының орынбасарлары, госпитальдық эпидемиологтар, Теміртау қаласының медициналық ұйымдарында АИТВ - инфекциясының алдын алу мәселелері бойынша жауапты мамандар үшін семинар өтті.

Семинардың мақсаты: ЕАҰ медицина қызметкерлерінің АИТВ – инфекциясының, оның ішінде АИТВ-ны кәсіптік жұқтырудың алдын алу мәселелері бойынша білім деңгейін арттыру, сондай-ақ бекітілген қала тұрғындары арасында жүргізілетін профилактикалық іс-шаралардың тиімділігін арттыру.

Семинарды эпидемиологтар т.Князева мен С. Бурханшина жүргізді.

Өз сөздерінде эпидемиолог-дәрігерлер семинарға қатысушыларды АИТВ-инфекциясы бойынша эпидемиологиялық жағдаймен, ЖИТС қызметінің нормативтік-құқықтық құжаттарымен таныстырды.

Психоәлеуметтік кеңес беру, медициналық ұйымдарда профилактикалық іс-шараларды ұйымдастыру, АИТВ - инфекциясының ауруханаішілік жағдайларының алдын алу, клиникалық және эпидемиологиялық көрсеткіштер бойынша халықты уақтылы тексеру, тексеру кодтарын беру және есепке алу-есеп беру құжаттарын толтырудың дұрыстығы мәселелері қозғалды.

Оқытылды: 16 маман.

барлық жаңалықтар »